Speaker Biakzama'n speaker hmasa ber hmuin thurawn a la

Aizawl | Dec 12, 2023: Mizoram Legislative Assembly Speaker atana thlan thar Pu Lalbiakzama chuan vawiina Assembly Session hmasa ber ṭhutkhawm zawha press mite a kawm zawhah Synod Hospital, Durtlang-ah Mizoram Legislative Assembly Speaker hmasa ber Dr. H. Thansanga (80), Chanmari chu tlawhin, tawngtaina neihsak turin a dil.

Dr H Thansanga chuan Pu Lalbiakzama lu chungah kut nghatin malsawm tawngtaina a neih sak.

Dr. H Thansanga chuan Speaker Lalbiakzama hnenah hian sorkar term hnih chhung Assembly speaker a lo nih tawhna atanga a tawnhriat neih hrang hrang leh rorelna dik a awm theih nana hma la tura a duhnate a lo hrilh a; dik leh fel taka Mizote nihna leh kristianna vawngnunga Assembly rorelna kaihhruai tum turin a chah a ni.