Serchhip Tuikhuah Veng-ah No Parking Area puang

Aizawl | December 6, 2023: Serchhip Tuikhuah Veng, National Highway atanga Tuizem kawn pan chhohna kawng chu 'No Parking area' atan puan a ni.

Serchhip Kawnpui Village Council/Court President hnen atanga Serchhip SP-in ngenna a dawn angin a hmunah en fiah a ni a. Mipui tana himna atan leh harsatna awm thei pumpelh a nih theih nan, Serchhip SP chuan MV Act 1988 (Act 59 of 1988) Section 115-na leh Govt. of Mizoram Notification No.B.12021/10/2004-TRP dated 01-6-2020-in thuneihna a pek angin 'Serchhip Tuikhuah Veng (Pu Zokhuma kawt) atanga Tuizem kawn inkar kawng hi 'No Parking Area' atan a puang.

Thuchhuah ang chuan, He thupek hian emergency thila motor tlan, law & order duty leh chhiatna thlenga emergency duty-te a huam dawn lo a ni.

Serchhip Tuikhuah Veng, National Highway atanga Tuizem kawn pan chhohna kawng hi 'No Parking area' ni tura thupek hi thuchhuah a nih atanga thu leh awm hma chu hman tur a ni.