Aizawl | Dec 4, 2023: Mizoram-ah sawrkar thar a piang dawn ta, Bial 27 lain ZPM-in sawrkarna an siam dawn.
Aprty thar ZPM Party chuan hneh takin sawrkarna siam turin an tling a, bial 40 awmah bial 27 an la a ni.
 |
| by MIRSAC |
Party tinin MLA an neih zat chu ZPM 27, MNF 10, BJP 2 leh INC 1 a ni
ZPM Working President K Sapdanga chuan, "Mi dikte tan hmahruaitu nih kan tum ang," a ti a. "Seat 25 atanga seat 30 vel chan an inbeisei thu sawiin, Pathian hnena kan tawngtaina Pathianin a chhang a ni," a ti bawk.
ZPM Working President leh Aizawl North III atanga MLA a thlan tlin tak chuan, "Ram rorelna-ah Pathian ram tundin tih hi kan innghahna a ni a, hei hi han ngaih sakhua leh eng emaw intih thlarauna lam a ni lova, ram rorelna tundin nise tih awmzia chu sualna hi ram rorelna chhungril berah do tlat ila, corruption te hi fihlim san thei ila, kan duhna a ni a. Chu chu thil harsa a ni lova, mi tam tak corruption a fihlim hi an awm a. Chuavangin a mala tih theih, a huhova tih theih loh ngawt thu a awm loah kan ngai a, chuvangin ram rorelnaah Pathian ram tundin tih hian kan function dan tur zawng zawng pawh hi a khai niin ka hria." a ti.
1 Hachhek - Robert Romawia Royte, MNF
2 Dampa - Lalrintluanga Sailo, MNF
3 Mamit - Er Lalzirliana Mamit, MNF
4 Tuirial - K Laldawngliana, MNF
5 Kolasib - Lalfamkima, ZPM
6 Serlui - Lalrinsanga Ralte, MNF
7 Tuivawl - Lalchhandama Ralte, MNF
8 Chalfilh - Lalbiakzama, ZPM
9 Tawi - Prof Lalnilawma, ZPM
10 Aizawl North I - Vanlalhlana, ZPM
11 Aizawl North II - Dr Vanlalthlana, ZPM
12 Aizawl North III - K Sapdanga, ZPM
13 Aizawl East I - Lalthansanga (chatea), ZPM
14 Aizawl East II - B. Lalchhanzova, ZPM
15 Aizawl West I - TBC Lalvenchhunga, ZPM
16 Aizawl West II - Lalnghinglova Hmar, ZPM
17 Aizawl West III - VL Zaithanzama, ZPM
18 Aizawl South I - C Lalsawivunga, ZPM
19 Aizawl South II - Lalchhuanthanga, ZPM
20 Aizawl South III - Baryl Vanneihsangi, ZPM
21 Lengteng - F Rodingliana, ZPM
22 Tuichang - W Chhuanawma ZPM
23 Champhai North - H Ginzalala, ZPM
24 Champhai South - Lt. Col. Clement Lalhmingthanga, ZPM
25 East Tuipui - Ramthanmawia, MNF
26 Serchhip - Lalduhoma, ZPM
27 Tuikum - R Vanlalruata, ZPM
28 Hrangturzo - Lalmuanpuia Punte, ZPM
29 South Tuipui - Jeje Lalpekhlua ZPM
30 Lunglei North - V Malsawmtluanga, ZPM
31 Lunglei East - Lalrinpuii, ZPM
32 Lunglei West - T Lalhlimpuia, ZPM
33 Lunglei South - Lalramliana Papuia, ZPM
34 Thorang - R Rohmingliana, MNF
35 West Tuipui - Prova Chakma, MNF
36 Tuichawng - Rasik Mohan Chakma, MNF
37 Lawngtlai West - Ngunlianchunga, INC
38 Lawngtlai East - Dr Lorrain Lalpekliana Chinzah, ZPM
39 Saiha - Dr K Beichhua, BJP
40 Palak - K Hramo, BJP
General Election to the Mizoram Legislative Assembly, 2023 atan tukin dar 8:00 atang hian Mizoram chhunga District 11 huamchhunga Assembly Constituency 40 a vote tlate boruak muanawm tak hnuaiah chhiar a ni.
Vote chhiar tan hma hian vote chhiar tur Counting Official-te chu an chanpual tur hrilh lawk an ni lova, zing dar 5:00 khan 3rd Randomisation hmangin pawhfel a ni. Venhimna khauh tak hnuaiah vote tlakna EVM/Postal Ballot dah thatna Strong Room-te hawn niin EVM te Counting Hall-ah lakluh a ni a. Vote chhiar hi zing dar 8:00 atangin Postal Ballot chhiara bultan a ni a, darkar chanve hnuah EVM a vote tlate chhiar chhunzawm a ni.
Mizoram pumah vote chhiar buaipui tur hian Returning Officer, Assistant Returning Officer, Counting Supervisor, Counting Assistant, Micro-Observer leh hna pawimawh dang hrang hrang thawktu mi 2,780 vel an awm a. Polling Station tina Presiding Officer 1,276 te chu vote chhiarnaah hian awm bawkin Security mi leh sa ten Counting Centre tinah thuah thumin venhim hna an thawk bawk.
Counting Centre 13 ah Assembly Constituency tin tan Counting Hall pakhat zel awmin a vaiin Counting Hall 40 a awm a. Heng Counting Hall-ah hian Counting Table 396 awmin vote chhiarna dawhkan tinah hian Counting Supervisor pakhat, Counting Assistant pakhat leh Micro-Observer pakhat zel an awm a, vote chhiarna hmun hi ECI ruat Observer 40 ten AC tinah a malin an vil mek a ni. Counting Table awm zat leh vote chhiar tur Polling Station awm zat hian chhiar hun (round) pawh hi a hril dawn avangin Round 5 a chhiar zawh tur AC 7 a awm a, Round 4 awmna AC 12, Round 3 awmna AC 18 leh Round 2 a chhiar zawh tur AC 3 a awm a. EVM (Control Unit) a vote tla chhiar zawh vek hnu hian AC tina Polling Station 5 a VVPAT a vote tla (paper slip) te chu EVM (Control Unit) a vote tla nen a inmil em tih finfiah zel a ni.
22-Tuichang AC, Khawzawl District-ah vote chhiar zawhfel hmasak ber niin, 9:47 AM khan an chhiar zo a, chhun dar 12:00 hma khan vote chhiar hi zawhfel thawkhat nun result tlangpui pawh a hriat theih tawh a, chak leh awmze nei zawka vote chhiar a ni to hi thil chhinchhiahtlak tak a ni.
Section 73 of the Representation of the People Act, 1951 (43 of 1951) in a phut angin State Legislative Assembly thar din turin election result-te RO ten an puanfel vek hnuah ECI chuan thlantlin tharte chu Official Gazette-ah tichhuakin Due-Constitution Notification a siam hmasak a ngai a. Due-Constitution Notification hi naktuk chawhnu hian ECI leh CEO Office-a senior official-ten Governor hnenah an submit dawn a ni.
October ni 9, 2023 a ECI in General Election to the Mizoram Legislative Assembly, 2023 a puan atanga a tul ang angle buaipuia inthlanna hlawhtling tak buatsaih a nih theih nana theihtawp chhuahtu Official-te chungah Election Department chuan lawmthu a sawi a. Inthlanna muanawm, felfai leh langtlang siam a nih theih nana theihtawp chhuahtu Media, MPF leh NGO-te fakawm a ti a, inthlanna tihlawhtlingtu Candidate, Political party leh mipuite chungah lawmthu a sawi bawk a. ECI in inkaihhruaina a tihchhuahte, Dan leh Sawrkar thupek hrang hrangte tha take zawm a ni leh inthlanna muanawm leh entawntlak tak kan neih theih avangin mitin hnenah Election Department chuan lawmthu a sawi bawk.
• • • • • •
Scan Here to Donate!
Share it with your friends!
[Subscribe telegram channel for updates- https://t.me/exploremizoramchannel ]
[For Ads - Contact +919402125273 ]
EXPLORE MIZORAM
email: admin@exploremizoram.com
Telegram channel:
Twitter: https://twitter.com/exploremizoram
Instagram: https://www.instagram.com/explore.mizoram
Youtube Channel: https://www.youtube.com/channel/UCyNrX06aSZ26HkIB25eo1YQ
Post a Comment
He post chungchanga i ngaihdan lo sawi ve rawh: