I CHAU A NIH PAWHIN, LO PEN CHHUAK RAWH

_Hun Khirh Tak Kara Ke Pen Dan_

*I CHAU A NIH PAWHIN, LO PEN CHHUAK RAWH*

- Rick Warren

Dec 5, 2023

"In rilruin in hre ngai lo vem ni? In bengin in hre ngai lo vem ni? Kumkhaw Pathian, Lalpa, kawlkil siamtu chu, a chau ngai lo va, a hah ngai hek lohzia hi.” Isaia 40:28‬

I hringnunah danglamna lian a awm a nih chuan, Pathian i dawr tam a ngai tihna a ni. 

Chu chu Pathian nena fianrial hun tih a ni. Bible i chhiar a, tawngtaiin Pathian i dawr a, ngawi renga awmin Pathianin i hnena thusawi a duhte i ngaithla thei dawn a ni.

I rilru a lo hrehawm viau a nih chuan, Pathian nena fianrial hun hman chu a tangkai hle a. I chak loh lai pawh a chakna thar neihna a ni. Kum liam tawhah te khan rilru hahna tam tak kan nei a, chakna kan neih aia tam kan hman phah hial maithei a ni. Rilru hahchawlh lohna chuan kan nun min ti hmang ralin kan nun a ti danglam nasa hle thin.    

Chau riau vin i inhria em? Chu chu thil kalphung a ni. Rilru hahna chuan taksaah a thlen thin a ni. Eng anga rei pawh zan lamah mu mah ila, zing kan han tho chu rilru hahna bawkin min lo hmuak leh thin. Nangmah chauhin hlimna chu nei tura i bei a nih chuan, nangmah chauhin i awm lo tih in hria ang che.

Rilru hahna, chauh tawngkhawngna leh hrehawmnate nangmah chauh vin i tuar a nih chuan, Isaia 40:28 hi i hriatreng a ngai a ni, "In rilruin in hre ngai lo vem ni? In bengin in hre ngai lo vem ni? Kumkhaw Pathian, Lalpa, kawlkil siamtu chu, a chau ngai lo va, a hah ngai hek lohzia hi.” 

Pathianin lei lung hi ni ruk chhungin a siam a - a ni sarihna Sabbath-ni ah kan entawn atan a chawl chauh a ni. A chau lo va! Chau tawngkhawngin a tlawm hek lo. Rilru thawpikna a nei lo va. I tih theih loh thleng ti theiin - engkim a chingfel thei zawk a ni.

Pathian nena hun tam zawk i hman chuan, i chau lo vang a, i chak zual sauh vang. Pathian nena hun hman hi phurrit a ni lo va - chumi letling chiah chu a ni zawk! Chaklote chakna a pe a. Thlamuanna leh hahchawlhna a pe thin.

Rilru thawpikna i nei a nih chuan, rang taka chinfelna zawg suh. A pumpelh zawng lo la. I thunun theih piah lam chu thlak danglam tum kher suh. Chu ai chuan, ni tin Pathian nena inpawlna nei zawk rawh.

Ngaihtuah zui atan...

* Pathian nena fianrial hun hman chu hun nei lo i inti mai thei, nimahsela, kan thil ngaih pawimawh zawng chu kan ti fo thin a ni. Eng thilah te nge i hun tam zawk i pek thin?

* Fianrial hun i hman chuan mi dang nena inbiaknaah leh thil dangah danglamna neiin i hria em? Engti zawngin nge?

* Kartin chawlhna hun insiam hian i rilru thawpiknaah engtin nge nghawng a neih?

*[Lettu: Sangpuia]*