Lianpui khuaah kumin chhungin mitthi awm lo!

Champhai | December 31, 2023: Champhai District-a Khawbung RD Block hmar lam Lianpui khuaah chuan kumin 2023 chhung hian mitthi an awm lo.

Lianpui khuaah hian tun dinhmunah chênna In ding lai 155 awmin, mi 762 an cheng mek a. Mizo hnam rohlu 'Lungphun Ropui' awmna khua a ni. He khuaah hian hmanlai sulhnu lung ker khuar leh lungphun tam tak 'a pawng zawnga ker' te a awm bawk. Kumin 2023, January ni 1 atanga December ni 31 thlengin mitthi an awm loa, hei vang hian Kohhrante chuan lawmthu sawi tawngtai rualna Biak in inkhawmah an nei a ni. 

Lianpui VCP Pu Lalbuatsaiha chuan an hriat theih chinah kum khat chhunga mitthi an ngah ber tumin Lianpui khuah hian mitthi 12 an nei a, thla khat chhunga mitthi awm loh tum an nei zauh zauh tawh thin niin a sawi bawk.

~ DD News Mizoram