YMA Central Co-Ordinnation Committee (CCC) meeting nei

Aizawl | November 15, 2023: Young Mizo Association (YMA) rorelna sang ber dawttu, Central Co-Ordinnation Committee (CCC) chuan vawiin Ni 15.11.2023 (Nilaini) chawhma dar 10:30 khan rorêl (meeting) vawi 98-na chu Vaivakawn YMA Hall-ah neih a ni a, Central YMA President, Pu Lalhmachhuana'n he meeting hi a kaihruai a ni.

He meeting-ah hian CCC meeting neih hnuhnung ber Ni 13.9.2023 leh tun inkara Central YMA chetvelna leh hmalakna hrang hrangte, rorêl thu bawhzui kawnga hmalaknate leh YMA Inkhawmpui Lian, 2023 Biatea neih takte chu Prof. Malsawmliana, General Secretary in report a pe a ni.

Ni 24-26, October, 2023 a, Biatea YMA Inkhawmpui Lian thlirletna hun hman niin, Khawmpui liana Rorêl palaiten an thu passed te chu ngun taka hmalak dan tur rel niin hmalakna tak tak chu Central Executive Committee kutah dah vek a ni.

CCC ah hian member-te chu Central YMA Office Bearers-te, Central YMA CEC member-te, Sub Hqrs. aiawh mi 6, Group YMA aiawh mi 2 leh Aizawl khawpui chhung Branch YMA aiawh mi 1 theuhte an ni a, vawiin hian member 227 lai kalin, an kal tha thawkhat hle a ni.