NGOCC-in ECI kar nan, 'Kristian Ni serh humhalhna punkhawm' huaihawt dawn.

Aizawl | November 30, 2023: NGOCC-in Pathiannia vote chhiar tur duh loh lantir nan leh ECI kar nan, Naktuk December 1 hian 'Kristian Ni serh humhalhna punkhawm' huaihawt dawn.

Pic: Dally Fanai

NGO Co - Ordination Committee chu vawiin tlai dar 4 aṭang khan CYMA Committee Room-ah an ṭhukhawm a, Vote chhiar hun sawn tura Election Commission of India (ECI) nawr nan Protest Day neih an rawt.

NGOCC chuan naktuk chawhma dar 11 aṭanga dar 1 inkar hian Vote chhiar hun sawn phuta lungawi lohna hi an lantir dawn.

NGOCC in 'Kristian Ni serh humhalh punkhawm' an huaihawt tur hi Mizoram hmun hrang hrangah pawh kalpui a nih theih nan NGOCC thu a chhuah dawn a ni.

NGOCC ah hian YMA, MHIP, MUP, MZP leh MSU te an tel a ni.

NGOCC chuan he huna tel tur hian mipui an sawm a ni.

*NGO CC ten Kristian Ni Serh Humhalhna Pun Khawm buatsaih an rel*

9th Mizoram Legislative Assembly inthlanpui vote chhiar (Counting Day) hun atana Election Commission of India in Ni 3, December 2023 (Pathianni) a ruat chu nasa tak leh theih ang tawka *All Political Party-te, Mizo Kohhran Hruaitu Committee (MKHC) te leh All NGO Coordination Committee (NGOCC)* ten dodala hma an lak hnuah leh ECI hotute pawh Delhi tlanga an zu hmuh hnuah thu lawmawm dawn leh hriattir a la awm loh avangin Ni 30.11.2023 (Ningani) tlai dar 4:00 a All NGO Coordination Committee thukhawm chuan naktuk Ni 1, December 2023 (Zirtawpni) chawhma dar 11:00 atanga chawhnu lam dar 1:00 thleng hian Raj Bhavan Hmarlam gate bulah *Kristian Ni Serh Humhalhna Pun Khawm* buatsaih nise an ti.

He Kristian Ni Serh Humhalhna Pun Khawm hi Mizoram puma District hrang hrangah District NGOCC hruaitute buatsaihin lo zawm ve vek ni bawk se, kan Sakhaw Ni Serh humhalh turin Mizo Kristian tawh phawt chu he hunah hian tel vek turin min sawm a ni.