MZP-in MSB pisa kai tur dang; scho pekchhuah vat an phut

Aizawl | November 16, 2023: MZP chuan Scho pekchhuah vat phuta lungawi lohna tukin dar 8 aṭang khan an chhunzawm a. Mizoram Scholarship Board (MSB) pisa kai tur an dang.

MZP President H Lalthianghlima chuan, "vawiina kan thil tih hian awmzia a la neih loh chuan na zawkin kan kal zel ang," a ti.

Scholarship pekchhuah vat phuta Nivember 15 aṭang khan pungkhawmin, ni hnih boruak muanawm tak hnuaia an punkhawm tawhin awmzia a neih loh vangin zirlaite hian tukin aṭang khan Mizoram Scholarship Board (MSB) office kawtah an pungkhawm lehin MSB pisa kai tur an dang ta a ni.

Hetihlai hian MSB thawktute hi pisa kai tuma kal hmuh tur an awm lo niin a hmuna awm te chuan an sawi.

MZP chuan zirlaite chanvo scholarship pawisa sept 25 a sawrkar sum bawma lut tawh, tun thlenga pekchhuah la ni lo chu hriatthiam har tiin lungawi lohna hi an lantir ta a ni.