Governor in Armed Forces atanga hmeichhe Aide de Camp (ADC) hmasa ber ruat

Aizawl, 29th November 2023: Governor Dr Hari Babu Kambhampati chuan Indian Armed Forces atanga India rama Woman Aide-De-Camp(ADC) hmasa ber atan Sqn Leader Manisha Padhi, 2015 batch Indian Air Force Officer chu a ruat.

Governor Dr Hari Babu Kambhampati chuan a ADC pahnih zinga pakhat zawk atan Lady Air Force Officer a ruat chungchangah heti hian a sawi a. "He hna pawimawh tak thawk tura hmeichhe officer a tling chu thil chhinchhiah tlak a ni mai lo a. Hmeichhiaten mipa te chauh tih theih anga mipui nawlpui ten a ngaih thin, hmuh theih loh indaidanna bang su chhiain kawng hrang hranga an hlawhtling thei a ni tilangtu a ni a ti".

Sqn Leader Manisha Padhi hian vawiin chawhma khan a hna hi a zawm a. He hna a rawn thawh hma hian Sqn Leader Manisha Padhi hi posting pathum - Air Force Station, Bidar, Air Force Station, Pune leh Air Force Station, Bhatinda-ah te a lo thawk tawh a ni.

Governor Aide-De-Camp (ADC) hi hriat theih awlsam dan tur chuan Governor vengtu leh amah puitu a ni a, a kal velnaah a bula che tla reng thin a ni.

Aide-De-Camp (ADC) hi India President, Vice President leh Governor te'n an nei a ni.