Armed Veng South leh Bethlehem Vengthlang inkar kawng khar dawn!

Aizawl | November 24, 2023: Armed Veng South leh Bethlehem Vengthlang (District Jail peng leh Dawrpui Thlanmual) inkar kawng siamthat hna thawh dawn avangin November 28 atangin khar lailawk dawn.

Traffic SP thuchhuahin a tarlan danin, PWD, Aizawl Road North Sub-Division-I te’n Armed Veng South leh Bethlehem Vengthlang (District Jail peng leh Dawrpui Thlanmual) inkar kawng siamthat hna an thawh dawn avangin helai kawng hi ni 28.11.2023 (Thawhlehni) atangin khar/Block a ni dawn tih mipuite kan inhriattir a ni. Tin, hnathawh tibuai thei turin hnathawhna huam chhung kawngpuiah lirthei leh bungrua dah/park phal a ni lo.

Kawng khar tur thupek hian kawng siamthat hna thawh zawh a nih hma chu a huam dawn a ni.

He thupek hian chhiatrupna thil, kangmei leh emergency kaihhnawih a duty, dan leh thupek pawimawh bik a Police leh Magistrate duty te chetvelna a huam lo ang.