Aizawl District Basketball Inkhawmpui lian tan; Club 70 chuang tel

Aizawl | November 29, 2023: Aizawl District Basketball Inkhawmpui lian chu November 27 khan ṭan a ni a, Club 70 chuang an tel.

Aizawl District Basketball Association Thansanga & Sons Auto Division Screening Tournament chu November 27, 2023 khan Armed Veng Community Centre-ah khelh tan a ni.

November 27 atanga December 21 thleng awh tur he tournament-ah hian Club 76 an tel a, club te hi 1st division, 2nd division leh 3rd division club te an ni. He tournament hi division sang zawka inhlankai theihna a nih rualin a ti tha lote tan division hniam zawka tlak hniam theihna a ni.

He Tournament hi Aizawl district chhunga kum khat chhunga Basketball Tournament pawimawh ber anga ngaih a ni.

November 27 atanga November 30, 2023 thleng hian Armed Veng Community Centre ah an khel ang a, December 1 atanga December 21, 2023 thleng hian Hawla Indoor Stadium-ah an khel thung dawn a ni.

Nimin November 28 khan Match thum awmin, Saron Wildcats 57 - 46 Chawlhhmun BC Jr, Chanmari West BC 65 - 63 Thuampui BC, Aizawl Venglai BC 15 - 65 Upper Republic BC te an khel a ni.

Vawiin chhunah match thum awmah, Republic BC 60 vs 71 Falkland BC, BC Tuithiang 58 vs 35 Hollow BC, Mischieve BC 70 vs 36 Sihphir BC te vawiinah a awm a. Zan lamah match a la awm mek bawk a ni.