Aizawl | October 19, 2023: Zoram People's Movement (ZPM) Party Candidate- B.Lalchhanzova, Baryl Vanneihsangi, Lalnghinglova Hmar, TBC Lalvenchhunga leh Dr. Vanlalthlana te chuan vawiin chhun dar 12 khan Aizawl Press Club-ah thuthar thehdarhtute kawmin, "ZPM a sorkar chuan awmze nei zawka sorkar kalpui a nih bakah mahni kea din chhuak duhte dawm an an nih dawn avangin state mipui ten nasa takin hma kan sawn dawn." an ti a.
"ZPM party in Sustainable Development and Reform Policy (SDRP) hmang hian state intodelh, corruption nekchepna leh mi taimate dinchhuahna ram kan siam thei a ni. Kum 1986 a state kan nih atang khan MNF leh Congress party ten kum 37 chhung Mizoram-ah thuneihna an lo chang tawh a. An theih tawk leh thiam ang tawkin hman an lain, an hun leh tha, sum leh pal te pawh Mizoram hmasawn nan an lo hmang hial tawh a ni. Tuna kan thlen chin kan en erawh chuan nu leh pa leh thalai ten hma sawn belh theihna tam tak kan hmuin, website hrang hrang leh social media kaltlangin, India ram puma state khaikhinaah kan hniam chho hle tih kan hre thei a. Tuna kan dinhmun aia sanga min thlenpui thei tur kan zawnnaah Zoram Peoples' Movement Party ah Beiseina thar kan nei ta a ni." a ti bawk.
Hmalakna tur an tarlante:
1. Power-a kan intodelh theih nan hma kan la dawn: Mizoram hi Hydro Electric Power siam chhuah theihna nei sang tak kan ni a. 4,000 MW vel siam chhuak thei kan nih laiin August, 2023 a Assembly Session zawhna chhanna atanga kan hmuh chu kan mamawh 7% chauh kan lo la siam chhuak thei chauh mai a. Hydel Project kan neih ho lah kan enkawl theih loh avangin company kutah kan dah a ngai ta hial a. Bairabi HP 80 MW siam theihna a zuzi ta te, Tuirial HP 60 MW siam theihna to taka kan lei tak dan te leh Tuivai HP, 210 MW siam chhuah theihna zuzi leh lek lekte hi keini ZPM party chuan a hriat hrehawm kan ti a. Power-a kan intodelh ye theihna tur, Ministry of Finance in Viability Gap Funding hmanga Rs. 1,700 Cr senna tur Tuivai Hydel Project, 210 MW atana 'In-Principle Approval' a pek tawh chu a buaipuitu turin a ngaihsak loh leh hun pek belh a dil loh avanga an phalna hnuh kir a nih chhan hi MNF party hian mipui hmaah, thil kal dik tak sawiin, insawifiah turin kan phut a ni. Power Bill a pek loh avanga state dangin power min cut sak tura vauna kan tawk fo mai hi hrehawm kan ti tak zet a. Mizoram budget sum tam tak eizotu, Power kan leina hi kan tihtlem theih chuan nasa takin kan sum indaihlohna a tiziawm thei dawn a. ZPM party a sorkar chuan, Power-a kan intodelh theih dan pawimawh hmasak berte zingah kan dah a ni. tur buai i hi kan ngaih pu
2. Lirthei kaihhnawiha eizawngte hamthatna tur Bill kan pu lut ang: Dr Vanlalthlana'n, "The Private Transport Workers (Welfare) Bill, 2027' a put luh atang khan keini ZPM party chuan lirthei eizawngte khaikan kawngah nasa taka hma lak kan tum tih a Chiang a. He bill ngaihtuah a nih lai a, kan CM lehzelin lirthei eizawngte diriamna tawngkam hmang kha pawi kan ti hle.
Lirtheia eizawngte hi accident tawk thut thei dinhmuna awm, chhungte ngai reng ieh lirthei khu kara eizawng an nih avangin ngaihsak an ngai kan ti a. 'Labour Cess' hmanga hamthatna an dawn ve theih loh avangin lirthei eizawngte hamthatna tura sum mamawh chu VAT on POL (Petrol - 25%; Diesel - 14.5%) atanga ngaihtuah sak theih a ni a, Consolidated Fund atang pawhin a pek theih a ni.
Lirtheia eizawngte harsatna chi hrang hrang - pollution test, permit replacement, bus terminal, special road permit leh thil dangte pawh Association hruaitute nena inberemin chinfel dan ngaihtuah sak a ni ang.
3. Mi taimate dinchhuahna khawvelah Mizoram hi kan siam dawn : ZPM chuan Bana Kaih (Hand Holding) Policy hmangin din chhuah duhte chu a tanpui dawn a. Bana Kaih Policy hi industry, agriculture, horticulture, sericulture, handloom 86 handicrafts, services sector leh thil siamna dangah hman a ni ang. He policy hmang hian thil thar-chhuaktu/siam chhuaktu/thiam thil hmanga eizawngte (farmers, manufacturers, serviceproviders 86 entrepreneurs) leh Market thlun zawm dan tur nasa taka ngaihven a ni ang a. Bana kan kaih turte hi kan tichak (capacity building) phawt ang a, market nena kan thlunzawm hunah chuan anmahniin an kal thei tawh ang. Vai sumdawngte nena an insumdawn tawn dawnah an contract/inremna kan enpui dawn a, buma an awh lohna atana tih a ni. Sum lama harsatna an tawh thin kha sutklian dan tur ngaihtuah an ni ang a. Sorkarin subsidized rate leh loan pung awm mang lo te pawhin a pui zui ang a. Sum tam tham an mamawha loan an lak duh pawhin an tan sorkar chu guarantor-ah a tang ang. ZPM party kan sorkar chuan Bana Kaih Policy avang hian Kuthnathawhtute leh Entrepreneurs te tan kawl a eng ye tawh ang a. Intodelhna lamtluang kan zawh tan tawh ang.
Zirna leh Sports lama mi taimate tan awmze nei zawka zirna kalpui a nih dawn bakah Sports Promotional Fund lam ngaihven nasat lehzual a ni dawn a. Hna laknaah fair takin, a thiamte chauh lak an I tawh dawn a. Thlamuang takin kan thalai ten hna an zawng tawh dawn a ni. Taima taka tlaivar dawn dawna inbuatsaihtu ten an phu tawk hna an hmu thei tawh ang a. Mi taimate dinchhuahna khawvelah Mizoram hi kan siam dawn a ni.
ZPM Party hian policy leh ngaih pawimawh tam tak kan nei a. Tun hunah hian saws vek a remchan loh avangin a chunga pathum chauh hi kan tarlang a. Hei lo pawh hi vawi tam tak kan thusawinaah tarlangin, kan policy buah te dah an ni.
• • • • • •
Scan Here to Donate!
Share it with your friends!
[Subscribe telegram channel for updates- https://t.me/exploremizoramchannel ]
[For Ads - Contact +919402125273 ]
EXPLORE MIZORAM
email: admin@exploremizoram.com
Telegram channel:
Twitter: https://twitter.com/exploremizoram
Instagram: https://www.instagram.com/explore.mizoram
Youtube Channel: https://www.youtube.com/channel/UCyNrX06aSZ26HkIB25eo1YQ
Post a Comment
He post chungchanga i ngaihdan lo sawi ve rawh: