SASCI Contract inzawrh-te, SEDP hmanga in thlêm te hi a hun tawh lo; Thil tha tihah inel zawk ila, kei chuan thil tha tihah hian ka cho che u a ni - ZPM Candidate H Zorempuia

 

 "SASCI Contract inzawrh-te, SEDP hmanga in thlêm te hi a hun tawh lo; Thil tha tihah inel  zawk ila, kei chuan thil tha tihah hian ka cho che u a ni."

-Pu H.Zorempuia, ZPM candidate, Mamit.

Mamit | October 21, 2023: Vawiin (ni 21/10/2023) khan Mamit khaw chhunga veng hrang hrangah Street Campaign neih a ni a, he hunah hian Mamit Assembly Constituency ZPM Official Candidate Pu H. Zorempuia bakah ZPM General Headquarters PAC member Pu Er. Vanlalneiha Ralte leh Pu Chalkhuma-te'n thu an sawi a ni.

Pu H. Zorempuia chuan, SASCI Contract inzawrh-te, SEDP hmanga in thlêm te hi a hun tawh loh thu sawiin MNF te chu an hnathawh zawkin mipuite hneh tuma campaign tawh turin a ngen . Pu H.Zorempuia chuan,  "MNF unaute ka ngen duh che u chu, kan retheihnate remchanga hmangin inbumnan hmang tawh lovang u. SASCI sum te hmanga contract intiam te,  'Membership fee pe ula SEDP 25,000 in account-ah a lut dawn' tiha inthlemnate hi sim tawh rawh u. Kan miretheite retheihna hi hmang tangkaiin bum tawh lul suh u. Mihring ve tho kan inkhawmna Biak In-a inkhawm ṭhin an ni ve tho a, chuvang i sim ang u. Thil tha tihah inel  zawk ila, kei chuan thil tha tihah hian ka cho che u a ni. " a ti bawk. 

Pu Er. Vanlalhneha Ralte pawhin, "Kuthnathawktute tan leh sawrkar ṭha a din theihnan ZPM te chu kan au zel dawn a ni" a ti a, Pu Chalkhuma pawhin Mamit bial mipuiten Pu H. Zorempuia an vote a nih chuan Chief Minister atan Pu Lalduhoma an vote tel nghal a ni tih a sawi bawk. 

Mamit khawchhunga Street Campaign neihnaah hian ZPM member te leh Mamit Central Block leh Mamit khawchhunga Unit hrang hrang hruaitu ṭhahnem tak an tel a ni.

.