Aizawl | October 19, 2023: RIPANS Nursing College chuan vawiin khan Woodland Hills, Zonuam-ah Lamp Lighting leh Graduation vawi 23-na hmang a, he hun hi Governor Dr Hari Babu Kambhampati chuan khuallian niin a hmanpui.
Governor Dr Hari Babu Kambhampati chuan eizawnna satliah mai ni lo, rawngbawlna leh hna zahawm nikawp, Nurse zirna bultanna atana khawnvar chhi a, thutiam la thar te chu a lawmpui tih a sawi hmasa a. BSc Nursing zirchhuak thar te pawh an hna thawhna turah leh an kal zel na turah duhsakna a hlan nghal bawk a ni.
Nursing leh healthcare service chi dangah te India hmarchhak thalai ten talent ropui tak an nei bik nia sawi a nih thin thu a sawi a. A bikin takin Mizo Nurse te chu India ram hmun hrang hrangah pawh fak hlawh ber pawl an ni tih a sawi. Governor chuan Mizo Nurse zirchhuak zingah India ram pawnah hnathawk an pung zel chu lawmawm a tih thu sawiin RIPANS chu hemi kawngah hian Nursing institution dangte tluk loh a ni mek a; placements records duhawm tak a nei mek a ni a ti. He hunah hian Governor chuan RIPANS hotute fakin India hmarchhak bikah phei chuan healthcare sector bikah RIPANS chuan hna ropui tak a thawk a ni a ti bawk.
B.Sc Nursing zir thar turte chuan Lamp Lighting & Oath an nei a. Synod Hospital Nursing Superintendent C Thankhumi chuan he hun hi a kaihruai a ni.
Vawiin hian zir chhuakte tan citation leh proficiency award sem chhunzawm nghal a ni.
Nursing Graduate te chuan Prof Sanjay D Sawant, Director, RIPANS hnen atangin citations an dawng a. Zirlai tithazual te chuan Governor Dr Hari Babu Kambhampati hnen atangin proficiency awards an dawng thung.
He hunah hian RIPANS Director Prof Sanjay D Sawant leh RIPANS Nursing College principal Lalfamkimi ten thu an sawi a ni.
RIPANS Nursing College aṭang hian kuminah B.Sc Nursing zir chhuak 36 an awm a, zirlai zawng zawngin an pass vek a ni. Zirlai 36 azang hian zirlai 12 te distinctionah an pass a, 24 chu 1st division ah an pass a ni.
Kumina B.Sc Nursing zir thar tur rinawmna tiamte hi mi 48 an ni.
• • • • • •
Scan Here to Donate!
Share it with your friends!
[Subscribe telegram channel for updates- https://t.me/exploremizoramchannel ]
[For Ads - Contact +919402125273 ]
EXPLORE MIZORAM
email: admin@exploremizoram.com
Telegram channel:
Twitter: https://twitter.com/exploremizoram
Instagram: https://www.instagram.com/explore.mizoram
Youtube Channel: https://www.youtube.com/channel/UCyNrX06aSZ26HkIB25eo1YQ
.
Post a Comment
He post chungchanga i ngaihdan lo sawi ve rawh: