Aizawl | October 17, 2023: NIT Mizoram Non-Teaching Employee (Regular) te chuan NIT thuneitute lakah lungawilohna lantir nan naktuk hian a huhoa chawlh lak an tum.
%20(28).jpeg)
NIT Mizoram a thawktu Non-Teaching te chuan NITs Recruitment Rules in a sawi ang a promotion thei tawh tam tak an awm laiin Ministry aṭanga post sanction a awmloh avang leh an hotu ten an bawhzui ṭhat loh vang niin an ngai a ni. Hetih lai hian zirtirtute erawh chu Recruitment Rules in a sawi ang aia hmaa promotion tam tak an awm tawh niin thu dawn a ni.
Thudawnnain a tarlan danin, Non-Teaching Officer zingah room ruahman sak duh loh leh room chhuhsak tum an awm a, Officer zingah an nihna in a ken tal anga Institute thuneitu ten hnathawh tur pek duh loh ringawt an awm bawk a ni.
Thudawnnain a tarlan zel danin, Tun hnaiah Administration fel fai loh tak em avang hian Ministry of Education, Govt.of India in Mizoram tana NIT a pek hi khar mai an hlauh avangin NIT Mizoram Non Teaching Association chuan Institute hotute vawi tam tak dawrin hma la turin an ngen a. An ngennain awmzia a neih loh avangin thuneitute kar nan naktuk Dt. 18.10.2023 hian leave lak nise ti a an rel angin Non-Teaching Officer & Staff te chuan pisa an kal dawn lo a ni.
NIT Mizoram hi Ministry of Human Resource Development in kum 2010 ah State 10 tana NIT pakhat ṭheuh a din zinga pakhat a ni a. Kum 2011 aṭang khan Chaltlang, Aizawl ah mimal in luahin function a ni.
• • • • • •
Scan Here to Donate!
Share it with your friends!
[Subscribe telegram channel for updates- https://t.me/exploremizoramchannel ]
[For Ads - Contact +919402125273 ]
EXPLORE MIZORAM
email: admin@exploremizoram.com
Telegram channel:
Twitter: https://twitter.com/exploremizoram
Instagram: https://www.instagram.com/explore.mizoram
Youtube Channel: https://www.youtube.com/channel/UCyNrX06aSZ26HkIB25eo1YQ
Post a Comment
He post chungchanga i ngaihdan lo sawi ve rawh: