Aizawl | October 13, 2023: Mizo Zirlai Pawl (MZP) Headquarters, Saitual chuan a zirlai thisen chhuaha damdawi ina inenkawl ngai hial khawpa kutthlaktu Govt. William Booth School Saitual zirtirtu K Lallawmsangi chu bang turin an phut.
"Kan duhna leh phut angte a ngaipawimawh lo a nih chuan MZP Hqrs. Saitual chuan a ṭul angin hma a la ang.' tiin MZP Hqrs Saitual an sawi.
.jpeg)
MZP Headquarters, Saitual chuan vawiin khan thuchhuah siamin, Govt. William Booth School Saitual zirtirtu K Lallawmsangi d/o K. Lalhmunsanga (L) in a zirlai dik lo taka puh a, rilru leh taksaah nasa taka hliamin kut inthlak mai bakah thisen hial chhuahin, damdawiina inenkawl ngai hiala a awm hi MZP Hqrs. Saitual chuan a ngai thiam lo in na a ti hle a ni.
MZP Hqrs. Saitual chuan Zirtirtu K Lallawmsangi chu zirlaite hmakhua a ngaihtuahin zirlaite enkawl tlakah a ngai thei lova, he a zirtirtu nihna aṭang hian châwlin bang ngei se, an ti a ni.
Hei bakah MZP Saitual hian, zirlai kum tling lo-in mipat hmeichhiatna lam hawia a khawih nia dik lo taka a puhna leh kut hial inthlâk a thlen tîr avangin zangnadawmna atân a inenkawlna senso zâwng zawng hi a tum ngei turin an phut bawk.
"
Post a Comment
He post chungchanga i ngaihdan lo sawi ve rawh: