Aizawl | Oct 7, 2023: Nizan khan Lawngtlai district a LIKBK, Lungtian Pastor Bial Inkhawmpuia kal, Pi F. Lalduatkimi (47) chu an inkhawm bang, an haw tur chu an chuanna car chesualah a boral.
Thu kan dawn danin nizan khan Lungtian Pastor Bial inkhawmpui, Bethani Local Church a neih mekah hlim taka hun hmangin Inkhawm ban hnu lawkah Upa. S. Malsawmsanga (Bial Asst. Secy) in a nupui Pi. Duati te thlah tura Garrage aṭanga an Car (Ignis) a an tlanchhuak chu vanduaithlak takin kawng thlangah tlanliam in, a thlang kawngpui-ah an tla a. Pu S. Malsawmsanga nupui, Pi Duati hi chetsual an tawh atanga reilote-ah a boral.
An tlakna hi Meter - 10 vel a sang a ni a, Motor-ah hian Upa. S. Malsawmsanga (a khalhtu) leh a nupui bakah Pi. Ramnuni, W/o. Rbt. H. Lianhrima leh Ngurnunsangi, D/o. Rbt. H. Lianhrima te an chuang a, Pi. Duati hian a tukkhum na takin a sawh a, a hliam tuar lovin an accident aṭang a Min- 30 vel ah a boral ta a ni.
Pi. Ramnuni hian a bek dinglam lam tauh in a veilamah thi a chhuak a, thluak-ah thi tling niin an ringa Lunglei damdawiin panpui nghal niin Nguri hi a landanah na lutuk lo tura beisei niin, Upa. Sangtea hi tun dinhmun ah chuan a dar vei lam a na deuh tihloh chu na lutuk lo a ngaih a ni bawk.
Hliam dang te hi Siaha damdawiin lam panpui nghal an ni a, tun dinhmunah chuan ngaihtuahawm lutuk an awm lo niin thu kan dawng.
- Kiddy Vanchhawng | MSR
Post a Comment
He post chungchanga i ngaihdan lo sawi ve rawh: