Aizawl | October 28, 2023: Karnataka Energy Minister KJ George chuan vawiin tlai dar 4 khan Aijal Club-ah thuthar thehdarhtute kawmin, "India ram hi a inthlak mek a, a inthlak chhan chu pawisa tihthih te, thil man to te, buaina chhuak te vang a ni." a ti.
Karnataka Energy Minister hian, Mipuite hian BJP hi an thutiam avangin an ring a, rorelna an pe a. Kum kua an lo sawrkar hnu hian an thutiam te chu an tihlawhtling thei ta lova, hmasawnna a awm lova, thalaiten hna an hmu thei lova, an hna te an chan zawk a ni. Mipui nawlpui hian an tuar nasa em em mai a ni." a ti a. "Chung mite chhanchhuak tur chuan Rahul Gandhi chuan 'India ram inpumkhatna kawngzawh' a kalpui ta a nih kha." a ti.
KJ George chuan, "Tun hnaiah pawh Manipur buaina te hi sawifiah rual lohin a rapthlak a, Prime Minister hian tlawh pawh a la tlawh lo a, remna leh muanna a awm theih nan tha a la thawh lo a ni. Minority leh SC te pawh an him lo mek a, dinhmun hlauhawm takah an ding in an inngai a ni. Chu chu Mizoram pawh hian a takin kan hmu tan a ni." a ti
Sawi chhunzawmin, "Mizoram thalaite hian eizawnna mumal te an mamawh a, dinhmun tha a din an duh ve a ni tih kan hria. MNF leh ZPM te hian Central sawrkar an thawhpui theih an neih a ngai a, chu chu BJP a ni. BJP chet dan kan hria a, anmahni hmachhawn theitu awmchhun chu Congress party chauh an ni." a ti bawk.
"Mipuite chu inpumkhatna kawngzawh turin an rawn penchhuak ta a, chumi nghawng chuan Karnataka ah te Congress chuan sawrkar a lo siam thei ta a ni. Karnataka ah chuan Congress chuan kan thutiamte kan ti hlawhtling mek a ni. Kei pawh Energy Minister ka ni a, kan sawrkar chuan mipuite hnenah power unit 200 chin kan ngaidam a, a bak an hman chuan chauhin an hman man an chawi a ni."
"Thalai hna hmulo Graduate te 3000 kan pe a, Diploma nei te 1500 kan pe thin bawk a, Buh thar hlawk theih nan hma nasa takin kan la a ni.
Congress in sawrkarna kan siam a nih chuan harsatna kan hmachhawn ngei ang, mahse chung harsatna hmachhawn chung chuan hmasawnna hna nasa takin kan kalpui ang. Manmohan Singh sawrkar khan hmasawnna nasa takin a thlen a, Congress party Rahul Gandhi kaihruai pawi hi chutiang ang chu a ni dawn a ni." a ti a.
"Chutiang chu Mizoramah pawh kan thlentir dawn a ni. Mizoram mipuite min thlawpna leh in vote hlu tak kan dil bawk che u a ni," tiin a sawi bawk
• • • • • •
Scan Here to Donate!
Share it with your friends!
[Subscribe telegram channel for updates- https://t.me/exploremizoramchannel ]
[For Ads - Contact +919402125273 ]
EXPLORE MIZORAM
email: admin@exploremizoram.com
Telegram channel:
Twitter: https://twitter.com/exploremizoram
Instagram: https://www.instagram.com/explore.mizoram
Youtube Channel: https://www.youtube.com/channel/UCyNrX06aSZ26HkIB25eo1YQ
Post a Comment
He post chungchanga i ngaihdan lo sawi ve rawh: