Current man vangin chhan tumtu boral; pahnih damdawi inah enkawl

Aizawl | October 29, 2023: Tuikual South-ah Currentin mi pathum a man a, mi pakhat boral, mi pahnih damdawiin ah enkawl ngaiin an awm.

Thudawnnain a tarlan danin, Scooty a inphur Jakobedi H Lalremruati leh Malsawmzela chu kawng hek laia an tlaknaah currentin a man a, anmahni chhan tumtu FC Vabeitlochao chuan nunna a chan a, anmahni erawh damdawiin ah enkawl an ni.

Nizan dar 11:30 bawr vel khan Pu C Tawna, Sec 1 inluah Jakobedi H Lalremruati chu a thianpain scooty in a thlah a. C Tawna in bul manguri te nepnawi dawr luhka a kawng hek lai ah an tlathla a _(an tlak dan tak hi hmu tu awm loh avangin thu chiang hriat a har a, current man vanga tla nge an thlak hnu ah current in a man hriat ani lo)_. An thlakna ah hian thirban atanga current leak chuan an pahnihin a man bet ta a ni.

Tichuan, mipa dang FC Vabeitlochao,  Pu C Tawna inhnuai a leng, anmahni hmu hmasatu chu anmahni chhan a tumna lamah a man bet ve leh a. An authawm atangin thenawm leh veivak ten buaipui tumin pungkhawm mahse, an awmna hmun hi a rem loh avang leh current leak hi a nasat avangin in chhan theih mai a ni lo.

P&E department lamin line an off hnuah a rang thei ang berin damdawi in pan pui an ni a. Chhan tumtu current in a man hnuhnung ber hian nunna a chan ta ani. A ruang hi postmortem a nih hnuah Maraland lamah phur phei a ni.

Midang pahnih te hi chu damdawiin ah enkawl nghal an ni.

P&E department ten a hmun hma hi an enfel nghal a, current leak dan pawh hriat chhuah niin tih dik nghal niin thu dawn a ni.

Tuikual South Local Council chuan, Lusun te chhung an tawrhpui takzet a. Tlawmngai a anmahni buaipuitu zawng zawng- mimal leh Civil a thawk bakah P&E Department te chungah Tuikual South Local Council ten lawmthu an sawi.

Thudawnain a tarlan danin, An mahni chhan tumtu boral ta tlangval hi FC Vabeitlochao (kum 33) s/o FC Tlakho, Chakhei, Tuipang niin vawiin khan an khaw lam panpui a ni.

Currentin a mante hi Jakobedi H Lalremruati (HBC SU chhuak, ICFAI a kal mek) leh Malsawmzela HBC SU Outdoor Games Secretary te niin, damdawiin ah enkawl mek an ni.

Jakobedi hi Aizawl Hospital atangin ZMC lamah refer a ni a, Sawma hi LRM-ah enkawl mek a ni.

JB-i hian, "Min chhan ru," tiin chhantu a auva. Tuman an chhantu an awm mai si lo. Ani (FC Vabeitlochai) chuan an thawm hriain a zuang thla a. A tlawh thla ta tawp a. Mahse, Amah a man a tel ta si a, rilru a fim vek si a, tal chhuah tumin bei mahse, a tal chhuak thei tawh si lo.

A bula awm te'n P&E an phone a, an rawn off meuh chuan, a zawi tawh, niin thudawnna chuan a tarlang.

.