Aizawl | October 31, 2023: MZP chuan an president H Lalthianghlima hovin vawiin khan MZP Hqrs Lunglei Pisa ah chanchinbumite kawmin, Hnam dang pasal nei candidate dah lo tura hmalak tawh dan an sawi.
H Lalthianghlima chuan, "Tuna kan hmalaknain awmzia a neih loh chuan, hnamdang pasal neite kaltlangin kan ram rorelna chu hnamdang kutah a luh mai a hlauhawm hle a ni." a ti.
MZP President chuan, "MZP chuan kan hma lawk November ni 7, 2023-a Mizoram MLA General Election lo awm turah Hnamdang pasal nei Candidate a dah lo turin Party tinte vawi tam a lo ngen tawh a. MZP ngenna ngaipawimawh a, Hnamdang pasal nei candidate a dahlo party te chungah MZP chuan lawmthu a sawi tak meuh meuh a ni." a ti a.
"MZP chuan ni 19th December, 2022 khan Party tinte hnamdang pasal nei candidate a dahlo turin ngenna a siam a, ni 21st August, 2023 khan Party tinte ngenna a thawn nawn leh vek a. Party thenkhat hotute pawh hmuh an ni bawk. Ni 13th October, 2023 (Zirtawpni) khan MZP Pisapui-ah Press Conference neih niin, candidate-a hnamdang pasal neite dahlo turin ngenna siam nawn leh a ni."
"MZP hmalakna-in ngaihpawimawh a hlawh loh avangin, MZP General Headquarters chuan ni 20th October, 2023 (Zirtawpni) khan Aizawl khawpui chhungah “Hnam humhimna kawngzawh” a huaihawt a. Zirlai a sang tel an thawkchhuak a ni."
"Congress Party-in Lunglei South Constituency Candidate tura an dah, Meriam L. Hrangchal pasal Dipen Zoliana hi hnamdang a ni a. A intih Mizo leh Mizo lohte, khawtlang tana an tangkai leh tangkai loh te, Tribal Certificate a neih leh neih lohte hi kan issue a ni lova. Hnamdang dik tak a nih avangin, a nupui Meriam L Hrangchal hi Mizoram Assembly House-a thu turin kan hnam tan a him lo takzet a. Tuna kan hmalaknain awmzia a neih loh chuan, hnamdang pasal neite kaltlangin kan ram rorelna chu hnamdang kutah a luh mai a hlauhawm hle a ni."
"Mizo hnam damna turin MZP chuan, hnamdang pasal nei Candidate hnawl a vote lo ngam turin Mizo mipuite a ngen tak meuh meuh a. Vawi tam tak kan ngen chunga hetiang mi candidate a dah luitu party pawh MZP chuan tun inthlan lo awm turah hnawl ngam turin Mizo mipuite a ngen takzet a ni."
• • • • • •
Scan Here to Donate!
Share it with your friends!
[Subscribe telegram channel for updates- https://t.me/exploremizoramchannel ]
[For Ads - Contact +919402125273 ]
EXPLORE MIZORAM
email: admin@exploremizoram.com
Telegram channel:
Twitter: https://twitter.com/exploremizoram
Instagram: https://www.instagram.com/explore.mizoram
Youtube Channel: https://www.youtube.com/channel/UCyNrX06aSZ26HkIB25eo1YQ
Post a Comment
He post chungchanga i ngaihdan lo sawi ve rawh: