Congress in MLA Candidate puang; MZP in an dodal a tel

Aizawl | October 17, 2023: Congress Party chuan vawiin tlai dar 2:30 khan Congress Bhawan ah MLA Inthlanpui 2023 atana Candidate 40 te an puang.

Congress MLA candidate zingah hian MLA ni lai pali an awm a, Ex MLA pasarih awmin, candidate ni tawh pali an awm bawk a ni.

MLA Candidate zingah hian MZP in an dodal hnam dang pasal nei Meriam L Hrangchal chu Lunglei South ah ding tura puan a ni.

Zawhna chhangin Congress hruaitu Sr Vice President Lal Thanzara chuan, "Pi Meriam Pasal hi nu leh pa, pi leh pu thleng pawha Mizoram awm tawh, Tribal certiticate nei, Mizo nih duha kohhran leh Society a inhmang  niin, Mizo ah kan pawm" a ti.

Candidate List:

 

Congress Party chuan Conference Room, Congress Bhawan-ah MLA General Election 2023 INC Official Candidate puanna leh Manifesto 2023 tlangzarhna hun an hmang. He hun hi Pu Lal Thanzara, Sr. Vice President MPCC chuan hmangin; INC Official Candidate-te a chhiar chhuah bakah Manifesto 2023 a tlangzarh nghal bawk a ni. He hun hi Pu Lalnunmawia Chuaungo, Vice President MPCC, Pu Lalrinmawia Ralte, GS MPCC, Pu RL Valla, GS MPCC leh Party hruaituten an ṭawiawm a ni.

INC OFFICIAL CANDIDATES FOR 2023 ASSEMBLY GENERAL ELECTION

1-Hachhek Lalrindika Ralte

2-Dampa Lalhmingthanga Sailo

3-Mamit K.Lalthanzama

4-Tuirial Dr.Henry Zodinliana Pachuau

5-Kolasib S.Lalrinawma

6-Serlui Lalhmachhuana (Anggu-a)

7-Tuivawl R.L. Pianmawia

8-Chalfilh Vanneihthanga

9-Tawi Lalringliana Khiangte

10-Aizawl North-I Lalnunmawia Chuaungo

11-Aizawl North-Il R. Lalrinmawia

12-Aizawl North-III Lal Thanzara

13-Aizawl East -I Lalsanglura Ralte

14-Aizawl East -II PC Lalhmingthanga

15-Aizawl West -I Lalbiakthanga

16-Aizawl West -II Dr. H. Ngurdingliana

17-Aizawl West-III Lalsawta

18-Aizawl South-I Vanlalawmpuii Chawngthu

19-Aizawl South-II Dr. Lalmalsawma Nghaka

20-Aizawl South-III Rosiamngheta

21-Lengteng Lalhmingthanga Pachuau

22-Tuichang C. Lalhriatpuia

23-Champhai North K. Lalnunmawia

24-Champhai South Dr. Lallianchhunga

25-East Tuipui C. Lalnunthanga

26-Serchhip R. Vanlaltluanga

27-Tuikum TT Zothansanga

28-Hrangturzo Lalroenga

29-South Tuipui Er. C. Laldintluanga

30-Lunglei North Eric R. Zomuanpuia

31-Lunglei East Joseph Lalhimpuia

32-Lunglei West P.C. Lalthanliana

33-Lunglei South Meriam L. Hrangchal

34-Thorang Zodintluanga Ralte

35-West Tuipui Nihar Kanti Chakma

36-Tuichawng Hara Prasad Chakma

37-Lawngtlai West C. Ngunlianchunga

38-Lawngtlai East H. Zothangliana

39-Siaha N. Chakhai

40-Palak I.P. Junior

Pu Lalnunmawia Chuaungo, Vice President MPCC chuan Manifesto chungchang sawi zauin, Congress Party hian mi hausa leh khawsa thei sate aia kan ngaih pawimawh zawk mi rethei leh mi hnuaihnung zawkte dinchhuah hi kan duh ber a ni. Chuvangin, "Tang Puihna" kan tih hi uluk taka zir chianga kalpui tum a ni a. Mi rethei leh hnuaihnung zawkte bakah mahni dinchhuahna tur leh ram intodelhna tura hmalak hi kan thupui ber a ni. Dinchhuah tuma tang tak tak tan cheng nuai 2 thlengin "Tang Puihna" kan pe dawn a ni, a ti.

Eirukna (Corruption) tih bova tun aia chak zawka Lok Ayukta thuam chak hi kan tum a. CBI te awlsam zawka koh luh a, hman zung zung theiha awm tura siam kan tum ang a. Lang tlang sorkar (Transparency Govt.) din a, sum leh paiah pawh buai lova sorkar hnathawkin a hun taka hlawh an lak leh theihte hi kan ngai pawimawh em em a ni, a ti bawk.

Pu Lalnunmawia Chuaungo chuan kan Health Care system hi a chhe em em a. Damlo damna atana sum pukte an awm a. Kan sorkar hrawn mek hian RTI atanga kan zawhna chhanna a landanin mipui sum a bat sak tam hle a. Hei hi siamthat ngei tumin sorkar hnathawk nghet nei ve lo chhungkaw tan an damloh chungchanga awlsam zawka an inenkawl theihna atan pek hmasak ngai lovin Insurance anga kalpuiin an inenkawlna tur kan pe dawn a. Natna khirh tak tak vei, sum hlawm tam tak sen ngai si damlo te tan Scheme tha tak kan ruahman a ni, a ti.

Pu Lalnunmawia Chuaungo, Vice President MPCC chuan Thalaite tana hna siam hi kan ngai pawimawh hle a. India ram leh India ram pawn thlenga thalaiten hna an thawh theihna atan inzirtirna (Training) kan buatsaih dawn bawk a. Kkum 5 chhungin thalai nuai khat tan eizawnna mumal tak an neih theih nan zirtirna tha tak pek hman ngei kan tum a ni, a ti bawk.

• • • • • • 

Scan Here to Donate!

Share it with your friends!

[Subscribe telegram channel for updates- https://t.me/exploremizoramchannel ]

(Feedback at: admin@exploremizoram.com )

[For Ads - Contact +919402125273 ]

EXPLORE MIZORAM

https://www.exploremizoram.com

email: admin@exploremizoram.com

Telegram channel:

https://t.me/exploremizoramchannel

FB page: https://www.facebook.com/exploremizoramportal

FB Group: https://www.facebook.com/groups/exploremizoram

Twitter: https://twitter.com/exploremizoram

Instagram: https://www.instagram.com/explore.mizoram

Youtube Channel: https://www.youtube.com/channel/UCyNrX06aSZ26HkIB25eo1YQ