Aizawl | October 19, 2023: Mizoram BJP chuan an party ticket-a Tuivawl biala ding tura tih Judy Zohmingliani chu a pasal hnamdang a nih avangin Candidate atanga an hnuhdawh thu vawiin tlai khan MZP an hriattir.
MZP chuan Mizoram Legislative Assembly inthlanpuia hnamdang pasal nei candidate nei lo tura party hrang hrang a lo ngen tawh a. BJP party chuan Tuivawl Constituency a ding tura ticket an pek vek tawh, Judy Zohmingliani chu a pasal hnamdang anih avangin Central atanga BJP hruaituten an rawn ruat chhuah tawh chu, hnam vawnhimna leh kan hnam chhan chhanna tur atan candidate a ni dawn lo tih ziakin MZP General Headquarters, Aizawl hi an hrilh a ni.
He tih mek lai hian MZP chuan naktuk zirtawpni khian Assembly inthlanpuiah hnamdang pasal neiten Mizorama rorelna sang zawk an chantheihna tur atana nomination an ziah luh duh loh lan tirna turin kawng zawh an nei dawn a ni.
• • • • • •
Scan Here to Donate!
Share it with your friends!
[Subscribe telegram channel for updates- https://t.me/exploremizoramchannel ]
[For Ads - Contact +919402125273 ]
EXPLORE MIZORAM
email: admin@exploremizoram.com
Telegram channel:
Twitter: https://twitter.com/exploremizoram
Instagram: https://www.instagram.com/explore.mizoram
Youtube Channel: https://www.youtube.com/channel/UCyNrX06aSZ26HkIB25eo1YQ
Post a Comment
He post chungchanga i ngaihdan lo sawi ve rawh: