Aizawl | Sep 23, 2023: Vawiin khan Young Lai Association, Lawngtlai Vengpui Branch te chuan YLA Day vawi 49-na pualin February 9, 2023-a an thlanmuala tunge anih hriatchhuah theih tak loh ruang an phum chu thlanlung nalh leh mawihnai tak siamin an phun sak.
YLA Lawngtlai Vengpui Branch ten vawiina tunge anih hriat loh thlanlung an phun sak hi kumin February 6, 2023 a Melthum daia ruang chhe tawh tak an chhar, Lawngtlai Vengpui nula, Zahleipari (Kum 28) ngei ni a Nl. Zahleipari nuta ten an hriat avanga February 9, 2023-a Lawngtlai Vengpui thlanmual a vuiliam tak, a hnu February 28, 2023-a Zahleipari a ni lo tih hriatchhuah leh tak ruang kha a ni.
Parteii ruang ni ngeia ngaih, Lawngtlai Vengpui YLA ten an phum tâk chungchang hi Police-ah pawh hriattir niin, Lawngtlai Vengpui thlanmuala phum anih hian amah hretu emaw a chhungte an awm anih chuan ruang hi eng hunah pawh phawrh leh theih a ni ang, tiin YLA Lawngtlai Vengpui Branch te chuan ruahmanna an siam a; vawiin thlenga amah hria leh ngaihventu an awm tak mai loh avangin YLA Lawngtlai Vengpui Branch te hian enkawl zuiin zelin thlanlung mawi taka siam sakin vawiin khan YLA Day vawi 49-na lawmna neih denchhenin Thlanlung hi an phun sak ta a ni.
- Kiddy Vanchhawng | MSR |
.
Post a Comment
He post chungchanga i ngaihdan lo sawi ve rawh: