Thingsulthliah zirlaite'n Zemabawk ṭawngṭaina an thleng tawh

Aizawl | September 20, 2023: Thungsulthliah aṭanga Aizawl pana kawngzawh mi 130 chuang te'n Zemabawk ṭawngṭaina mual an rawn thleng tawh.

Thingsulthliah HSS adhoc grant in aid a dah phuta kawng zawhte chuan dar 4:20 vel khan Zemabawk ṭawngṭaina hmun an thleng tawh.

Long March nei a kal zat hi zirlai 111 (Mipa - 50, Hmeichhia -61), Teacher-12, Tawiawmtu - 11 TSU- 2 niin an vaiin mi 136 an ni.

Zemabawk an rawn thlen meuh hi chuan zirlaite hi 150 an chuang tawh a ni.

Zirlai nawlpui hi Ṭawngṭaina hmun aṭang hian Thingsulthliah lamah an let leh ang a, an hruaitute erawhin CM leh School education minister hmuh ngei an tum dawn niin thudawnnna chuan a sawi.

Thingsulthliah HSS students union hmalaknain, adhoc grant- in -aid a an school dah phut nan, zirlaiten Thingsulthliah atangin kein Aizawl an pan a, CM leh School Education minister ah lehkha thehluh an tum.

He an hmalakna khawtlangin an thlawp tih lantir nan an khua a zirna in leh office to chu zing dar 9 atanga chawhnu dar 1 thleng khar a ni dawn niin thudawn a ni.