Aizawl | Sept 20, 2023: Vawiin ni 20.09.2023(Nilaini) khan Central YMA Hall-ah Manipura Zo hnahthlak unau pawl hrang hrangte inthlunkhawmna pawl Zo United hruaitu inruat fel a ni.
He hun hi Manipur sawrkara Zo hnahthlak zinga Cabinet Minister Pu Letpao Haokip in a kaihruai a, Manipura Zo hnahthlak pawl hrang hrang hruaitu mi 48 an tel a, Manipura Zo hnahthlak Minister 2 leh MLA 5 an tel bawk.
Pawl hrang hrang aiawh kalkhawm te hian ni 6.9.2023-a NGO Coordination kaihhruainaa Zo United lo din tawh chu tha taka a kal theihnan inlungrual taka thawhho an duh thu an sawi a, pawl hruaitu tur pawh hetiang hian lungrual takin an inruat:
Convener : Pu Albert L. Renthlei, MPC
Co- Convener :
1. Pu John K. Ngaihte, Zomi Council
2. Pu Ajang Khongsai, Kuki Inpui, Manipur
Secretary ( Recording) : Pu Lalhrillien, Hmar Inpui
Secretary ( Finance) : Pu Thanglen Kipgen
Secretary(Info & Pub.): Pu Pagin Haokip
Anni bakah hian pawl hrang hrang aiawh Committee member an ruat bawk.
Zo United pawl hi Manipura Zo hnahthlak unaute inpumkhatna tur leh inlungrual taka an thawhhona tura pawl din a ni.
• • • • • •
Scan Here to Donate!
Share it with your friends!
[Subscribe telegram channel for updates- https://t.me/exploremizoramchannel ]
[For Ads - Contact +919402125273 ]
EXPLORE MIZORAM
email: admin@exploremizoram.com
Telegram channel:
Twitter: https://twitter.com/exploremizoram
Instagram: https://www.instagram.com/explore.mizoram
Youtube Channel: https://www.youtube.com/channel/UCyNrX06aSZ26HkIB25eo1YQ
Post a Comment
He post chungchanga i ngaihdan lo sawi ve rawh: