Myanmar Raltlan boral Central YMA in thlahliam

Aizawl | Augist 20, 2023: Myanmar ramchhung buaina avanga Mizorama sahimna zawnga rawn raltlan, Zohnahthlak Van Dawt Lian Sang, Kum - 14, s/o Thang Hung, Hriphi khua, Thantlang Dist, Chin State a mi chu Brain Tumor natna avangin NEIGRIMS, Shillong-ah enkawl a ni a, beidawnga rawn haw pui a nih mek laiin tukin zing dar 4:00 khan Silchar daiah a boral a. Zanin tlai 5:30 vel khan Aizawl rawn thlenpui niin Central YMA Hall Tuikhuahtlangah a ruang nghah a ni.

Central YMA chuan Sangaua Mizoram ramri thlenga phurhna tur motor senso tum sakin, ₹10,000/- in an ral a. Mission Veng YMA ten Kuang mawi tak siam sakin Puan in an tuam bawk a. Mission Veng Br. YMA bakah hian Upper Republic Br YMA, Tuikhuahtlang Br. YMA leh Model Veng Br. YMA ten puan thahnem takin an tuam bawk a ni.

Zanin dar 6:00 khan Central YMA Hall Tuikhuahtlang atangin Sangau panpui a ni.