Govt Higher Secondary School, Serchhip zirlaite zirtirtu pek phutin pungkhawm; class kal lovin sawrkar ngaihchan tum!

Aizawl | Sept 20, 2023: Govt. Higher Secondary School Serchhip-a zirlaitechu vawiin khan zirtirtu pek phutin an pungkhawm a, Ngenna vangin kawng zawh tum ṭhulh rih!

Zirtirtu pek phuta Vawiin a kawngzawh tuma an pungkhawm chu Serchhip-a MNF Block hruaitute nen an inkawm hnuah, tunkar chhung sawrkar ngaihchan nise an ti.

Sawrkar an ngaihchan chhung hian class kal an tum loh thu zirlaite chuan an sawi bawk.

Zirlaite vawiina an punkhawm hi an chemistry zirtirtu sawnchhuah tum vanga inṭan a ni a. Mahse, he thil thleng hi zirtirtu pakhat sawn chungchang chauh ni lovin, subject dangah pawh zirtirtu an indaih lohin a nghawng chhuah niin thudawnna chuan a sawi.

1. 2018-ah K. Lalhmangaiha (History zirtirtu) a pension a, a aiawh tur an nei lo.

2. 2019-ah Mizo zirtirtu H Lalrengliana chu Govt. Central HSS-ah transfer a ni a, tun thlengin a aiawh tur an la dah lo.

3. 2021-ah Physics zirtirtu Vanengmawia chu Govt. Republic HSS-ah transfer a ni a, a aiawhtu an la dah lo.

4. Tunah chemistry zirtirtu sawn chhuah leh an tum leh a, eng tikah nge a aiawh tur an dah leh dawn hriat a ni lo!