DIET ram sahthlak tumna dodalin zirlaiten pawndum nen kawngpui dang

Aizawl | September 29, 2023: DIET Aizawl ram sahthlak tumna duh loh zia lantir nan leh dodal nan vawiin chawhma dar 11 vel khan DIET Aizawl zirlaiten pawndum nen Ramhlun North-ah kawngpui an dang.

District Institute of Education and Traning (DIET), Chaltlang, Aizawl-a zirlai pawl - Trainees' Union chuan (DIET) ram sahthlak tumna awm nia hriain an duh lohna lantirna'n vawiin chawhma dar 11 vel khan Ramhlun North DIET pengah kawngpui an dang a, dar 12 vel khan kawngpui an dan hi an titawp.

DIET Trainees' Union te chuan an thil phut leh duhte sawrkarin a hre tawh tura an ngaih avangin kawng an dan hi an titawp ta niin thudawnna chuan a tarlang.

DIET Trainees' Union hian nimin khan thuchhuah siamin, DIET ram chhung ami DIET Principal Quarters chu Govt Aizawl North College ram tana rinluh tuma hmalna awm chu an dem thu leh tha an tih loh thu an tarlang a, sawrkar chu hetiang a thlen loh nana hma la turin an ngen a ni.

DIET Trainees' Union chuan, Mizoram Cabinet meeeting Sept 27 a neihah sawiho a ni tih an hriatin mak an tih thu an sawi a. Hetianga hrilhhriatna leh inrawnnaawm lova an zirna in ram neihsak tuma chuh an ni chu an hriatthiam loh thu sawii, hmalkna an dem hle tih an sawi bawk.