Central YMA in, Pawl 3 atangin Zohnahthlakte tanpuina dawn belh

Aizawl | Sept 19, 2023: Vawiin Ni 19.9.2023 (Thawhlehni) hian Central YMA chuan pawl 3 hruaitute hnen atangin Manipur-a Zohnahthlak harsatna tawk mêkte tanpuinan ₹1,64,000/- (Cheng Nuaihkhat Singruk leh Sangli) a dawng. Kan unaute tanpuina hi MUP Dawrpui Branch hnena atangin ₹10,000/- , Lushai Trading hnen atangin ₹1,00,000/- leh Lenrual Hlui (PUC Sc. Ex- Student) te hnen atangin ₹54,000/- te chu Central YMA hruaitute hnenah hian hlan a ni.

Manipur Zohnahthlakte aiawhin Central YMA President Pu R. Lalngheta chuan tanpuina petute chungah lawmthu sawiin Mizo nih a nawmzia leh Mizoten kan unau kan Zohnahthlakpuite kan hmangaihzia kan lantirna hi ropui a tih zia thu a sawi a. Central YMA in tanpuina an dawn te a nihna tur dik takah, a bo a bang awm lovin hman a ni ang tiin thilpek petute hi a lo hrilh a ni.