BCM Puipate leh Foundation For Drug-Free Mizoram hruaitute inkawm

Aizawl | Sept 2, 2023: Baptist Church of Mizoram (BCM) kohhran puipate leh Foundation For Drug-Free Mizoram hruaitute chu vawiin khan ruihhlo do chungchangah BCM Headquarters, Serkawn Lungleiah an inkawm.

BCM puipate hi Associate Secretary Rev Dr R Lalnunzira hovin an tel a, Foundation For Drug-Free Mizoram an president V Lalnunthara'n a ho bawk.

Thudawnnain a tarlan danin, Foundation For Drug-Free Mizoram lam hian, an pawl hmalak dan leh ruihhlo laka fihlim tura naupang aṭanga an ṭan dan te, Mizoram chu ruihhlo awm lohna hmuna siam tura theihtawp an chhuah dante an sawi a, an rawngbawlna chu Kohhran nen inngheng tlata kal tul a nih avangin kohhran bil awm lova Mizorama kohhran tin ten an tawiawm a; an thawhho a tul thu an sawi a.

BCM lam hruaitute pawhin, Foundation For Drug-Free Mizoramin rawngbawlna an kalpui chu tha an tih thu leh Mizoram mamawh hna thawktu an nih avangin, Kohhran ho nen thawhhona tha an neih zel theih nana hmalak chhoh zel an tum tih an tarlan thu thudawnna chuan a tarlang bawk.