The Salvation Army Ebenezer Corps Young People (Y.P) te ruihhlo laka fihlim turin an intiam

Aizawl | August 13, 2023: Ruihhlo tel lo Nun Duhawm Zawk tih thupui hmanga ruihhlo that loh zia inziritirna campaign Foundation For Drug-Free Mizoram buatsaiha Kohhran leh Corps hrang hranga rawngbawlna neih mekah vawiin chawhnu hian The Salvation Army Ebenezer Corps Young People (Y.P) te zingah ruihhlo that loh zia inzritirna kalpui a ni a. Y.P Naupang mi 60 ruihhlo laka fihlim turin an intiam.


Prof. H.K Laldinpuii Fente chuan ruihhlo that loh zia inzirtirna hi a nei a, mihring thluak chu Pathianin ropui taka a siam anih avangin a tichhe turin an taksa a ruihhlo lalut lo turin a sawm.

He pawl dintu Tv. V. Lalnunthara Mathara, President chuan, "The Salvation Army te chu General William Booth-a kaltlangin; Thianghlimna laimu inzirtirna chu hmasang ata tawh lo kalpuitu an ni a. Thianghlimna lo in tuman Pathian kan hmu dawn lo a ni," tiin; khawvel pum huapa The Salvation Army Naupang leh Tleirawl, Junior Soldier te chu Ruihhlo laka fihlim tura Thutiam nei thlap an nih avangin an danglam bik a; Mizoramah pawh kohhran dang te entawn tlak ni tura an thutiam nunchhuahpui turin a sawm.


 Foundation For Drug-Free Mizoram chuan kuminah Kohhran Tleirawl Inkhawm hmun 10 an tlawh tawh a; tleirawl 1,500 chuang te zirtirna an lo pe tawh.


 Ebenezer Corps Venghnuai hi kum 2001 khan din a ni a; tun dinhmunah kohhran member 600 an awm mek.







Scan Here to Donate!

Share it with your friends!
 

[Subscribe telegram channel for updates- https://t.me/exploremizoramchannel ]

(Feedback at: admin@exploremizoram.com )

[For Ads - Contact +919402125273 ]



Post a Comment

He post chungchanga i ngaihdan lo sawi ve rawh:

Previous Post Next Post