Azawl | August 23, 2023: Sairanga Railway lei dawh mek a chim; hnathawktu ṭhahnem tak a chimpui.
Sairang zero point bula railway lei dawh mek chu tukin Aug 23 ,2023 chawhma dar 10 vel khan a chim a, hnathawk tu mi 30 vel a chim pui nia hriat a ni.
Bairabi leh Sairang inkar rel kawnga lei dawh hna thawh mekah, Sairang Zero Point, Kurung lui-a rel kawng tur dawh mek chima thi te zingah ruang 18 lakchhuah a ni tawh a, hliam tuar 3 chhanchhuah an ni bawk.
Tukin dar 10 rik hma hret khan lei dawh lai hi a chim a, hnathawktu 26 an thi ni a hriat a ni a, rang takin chhanchhuah hna thawh nghal a ni.
Aizawl DC leh SP te chuan a hmun thleng nghalin, District administration leh Police department te bakah department dang hotute chuan chhiattawhna hmun hi an pan nghal bawk.
Sairang YMA in buaipui ngaite buaipui turin hnatlang an ko tawh niin thu dawn a ni bawk.
11:40 AM:
• Ruang 15 an hmu tawh a, Civil Hospital, Aizawl aṭangin Ambulance an chhuak nual bawk.
12:23:
• Thi zat hi mi 20 chuang an nia hriat a ni.
• Ruang lakchhuah tawh zat hi 17 an ni.
2:00 PM
• Recover - 17 (3 unidentified)
• Located - 2 (La lak chhuah lo)
Ruang hmuh/lakchhuah tawh hi 17 vel an ni tawh a, ruang 11 vel hi YMA hall lam pan pui tawh an ni e, damdawi in lamah hian mi pahnih kalpui an ni a an dinhmun a tha rih.
5:40 PM:
• Ruang 18 lakchhuah tawh niin, hliam tuar 3 lakchhuah a ni tawh bawk.
5:50 PM:
Hemi chungchanga sawrkar thuchhuah a hnuaiah hian kan dah e;
Vawiin chawhma dar 9:30 am bawr vel khan Bairabi-Sairang rel kawng siam hna thawh meka Bridge No. 196, Sairang zero point bul a lei dawh lai chu a vanduaithlak takin a chim a ni.
Rang takin chhanchhuah hna thawh nghal a ni a. Aizawl DC leh SP te chuan a hmun thleng nghalin, District administration leh Police department te bakah department dang hotute chuan chhiattawhna hmun hi an pan nghal bawk a. QRT (Quick Response Team) leh NDRF (National Disaster Response Force) ten chhanchhuah hna an thawk nghal a, tun dinhmunah ruang 18 hmuh tawh niin, hliam tuar 3 chhanchhuah an ni bawk a. Chhanchhuah hna hi ngawrh taka chhunzawm zel a ni. Civil Hospital, Aizawl bakah Lengpui leh Sairang PHC te'n medical aid an pe bawk a ni.
QRT leh NDRF te chuan lei innghahna ban (bridge pillar) chhip atangin hnathawk pakhat chu an chhanchhuak a. QRT official pahnih - Lalhriatzuala leh Lalfakzuala te chuan he hnathawktu hliam tuar hi ban (metre 100 zet a sang) chhip atang hian an la thla a ni.
Chhiat tawh avanga nunna chan, an ruang lak chhuah tawhte chu ZMC leh Civil Hospital, Aizawl ah te post mortem kalpui a ni a. Ruang hi tawih theilo tura buatsaih (embalm) a nih hnu ah railway department hnenah an chenna khua theuh thlen turin hlan an ni ang.
Chhiattawhna hmun hi Pu T.J. Lalnuntluanga, Transport Minister, Pu C. Lalrosanga, MP, Lok Sabha, Pu K. Laldawngliana, Tuirial MLA, Chief Secretary, DGP, Commissioner & Secretary, Home; Commissioner & Secretary, Transport; Director transport te, DMR Director leh official dang te'n an tlawh bawk a.
Tun dinhmunah chhanchhuah hna hi ngawrh taka thawh zui zel a ni a. Mizoram Police, BSF leh NDRF te thawk hovin theihtawp chhuah a ni.
•• Chanchin update zel a ni a, i lo refresh zel mai dawn nia.
• • • • • •
Scan Here to Donate!
Share it with your friends!
[Subscribe telegram channel for updates- https://t.me/exploremizoramchannel ]
[For Ads - Contact +919402125273 ]
EXPLORE MIZORAM
email: admin@exploremizoram.com
Telegram channel:
Twitter: https://twitter.com/exploremizoram
Instagram: https://www.instagram.com/explore.mizoram
Youtube Channel: https://www.youtube.com/channel/UCyNrX06aSZ26HkIB25eo1YQ
Post a Comment
He post chungchanga i ngaihdan lo sawi ve rawh: