Aizawl | August 3, 2022: Vawiin khan Pu R. Lalzirliana, Minister, P&E, etc., chuan kum sawmhnih leh panga chhung zet Mizoram State Legislative Assembly member leh kum sawm leh panga chhung Cabinet Minister ni theia Pathianin a lo kaihhruai vanga Pathian hnena lawmthu sawina hun Arm Veng North Community Centre-a a buatsaih.
He hun hi Chief Minister Zoramthanga chuan a telpui a. Lawmpuina thu sawiin Chief Minister chuan, vawiina kan lawm hi thil ropui, Pathian malsawmna hlu leh lawm tlak a ni a, Pu R. Lalzirliana te chhungkua ka lawmpui tak zet a ni. MLA nihna kalkawng hi a hautak hle a, mi vannei, mite duhsak tlak leh taksa hriselna lamah pawh malsawmna dawng nih a ngai thin. Kum 25 zet bial ngai atanga tling thei khawpa malsawmna a dawng hi a hlu hle a, Pathian hnena lawmthu sawina nachang an hria hian an chhungrila Pathian an neih nghehzia pawh a lang a ni. An chhungkaw kal zelna turah duhsakna a hlan a ni, a ti.
Pu R. Lalzirliana pawhin thusawiin, lawmpui tura kal khawm zawng zawngte chungah lawmthu a sawi a, a hun tawn zawng zawngte chu Pathian remruatna leh malsawmna zarah lo thleng a nih thu tarlangin, a lo thawhpui thin zawng zawngte chungah lawmthu a sawi a ni.
Pu R. Lalzirliana hi kum 1998, 2003, 2008, 2013 leh 2018 General Election ah te khan Saitual/ Tawi Constituency atangin thlan tlin a ni. A lawmna hunah hian Minister leh Member of Mizoram State Legislative Assembly ni mek leh lo ni tawh engemawzat leh sawm bik mi thahnem tak an tel a ni.
Scan Here to Donate!
Share it with your friends!
[Subscribe telegram channel for updates- https://t.me/exploremizoramchannel ]
[For Ads - Contact +919402125273 ]
EXPLORE MIZORAM
email: admin@exploremizoram.com
Telegram channel:
Twitter: https://twitter.com/exploremizoram
Instagram: https://www.instagram.com/explore.mizoram
Youtube Channel: https://www.youtube.com/channel/UCyNrX06aSZ26HkIB25eo1YQ
Post a Comment
He post chungchanga i ngaihdan lo sawi ve rawh: