Aizawl | August 9, 2023: Manipur tualchhung buaina avanga kan unau Zofate leh Meitei indona chuan ni 10th August 2023(Ningani) hian ni za (100) na a lo thleng dawn ta reng mai a. Manipur tualchhung buaina hian ziaawm lam a la pan thei lo mai ni lovin zual lam a la pawn zel a ni. Mizo Zirlai Pawl (MZP) General Headquarters chuan Manipur tualchhung buaina avanga kan unau nunna chan ta te a tawrhpui takzet a, an tan bang loving kan tawngtai thin a ni.
Mizo Zirlai Pawl (MZP) General Headquarters chuan Manipur state chhunga kan unaute tawrhna hi a hre reng a, an tan tih theih a neih apiang a ti zel thin a, a la ti zel dawn bawk a ni. MZP chuan ni 10, August 2023(Ningani) zan dar 8:00 hian Aizawl Vanapa hall-ah “Hnam tana nunna chante sunna leh inpumkhatna inkhawm” a buatsaih dawn a, sunna leh inpumkhatna inkhawm hi LPS 10 ah leh ZONET Bawhbel ah live telecast a pek chhuah a ni ang. ‘Hnam tana nunna chante sunna leh inpumkhatna inkhawm’ ah hian MZP chuan Zofa khawvel hmun hrang hranga awm te rawn tel turin thinlung takin a sawm a, a hmun a rawn kal thei lo tan mahni awm hmun a min lo chhim sak vek turin kan in ngen a ni.
Hnam tana nunna chante sunna leh inpumkhatna inkhawmah hian kan unau Manipur tualchhung buai avanga harsatna tawk mek te tan tawngtai rualna neih a ni anga, Zoram mipui zawng zawngte MZP chuan kan unaute tan nasa lehzuala Pathian au a, tawngtai turin a sawm nghal bawk a ni.
Scan Here to Donate!
Share it with your friends!
[Subscribe telegram channel for updates- https://t.me/exploremizoramchannel ]
[For Ads - Contact +919402125273 ]
EXPLORE MIZORAM
email: admin@exploremizoram.com
Telegram channel:
Twitter: https://twitter.com/exploremizoram
Instagram: https://www.instagram.com/explore.mizoram
Youtube Channel: https://www.youtube.com/channel/UCyNrX06aSZ26HkIB25eo1YQ
Post a Comment
He post chungchanga i ngaihdan lo sawi ve rawh: