MZP-in hnam dang kawppui neite MLA Candidate-a dah Party an awm chuan hnualsuat ngam turin mipui ngen

Aizawl | August 21, 2023: MZP chuan hnam dang kawppui neite MLA candidate a dah tumna dodal; Hnam dang kawppui nei candidate a dahtu Party hnualsual ngam turin mipui ngen

Mizo Zirlai Pawl (MZP) General Headquarters, Aizawl Executive Committee Meeting vawiin August ni 21, 2023 (Thawhtanni) chhun dar 12:00 a MZP Conference Hall-a neih chuan, MZP-in December 19, 2022-a Political Party hrang hrangte hnena hnam dang kawppui neite MLA Candidate-a chhawp chhuak lo tura ngenna a lo siam tawh chu tun thlenga Political Party ten an la zawm tlat avangin lawmawm a ti hle.

MZP chuan hnam dang kawppui neite Candidate an nih hian inchimralna kawngah nasa takin bu a khuar zel dawna a hriat avangin a do tlat ni.

Hnam dang kawppui neite chhawp chhuak Political Party an awm a nih chuan kan hnam him zel nan heng political party-te hi hnual suat ngam turin Mizo mipuite a ngen a ni.