Mizo Film Award 2023 sem a ni thuai dawn

Aizawl | Aug 1, 2023: Film lama tui mite tan thu lawmawm hriat tur a awm leh ta - Mizo Film Award sem a ni leh dawn! Kum 2021 khan Tlau Entertainment buatsaihin sem a lo ni tawh a, ngaihhlut pawh a hlawh hle a nih kha. Tun hnai kum hnih khat chhungin Mizo film thahnem tak a chhuak leh tawh a, award pawh sem a ni leh dawn ta a ni.

Miss Mizoram 2020 Zirsangpuii'n Best Actor Award - Papuia Pachuau a hlan.

Mizo Film Award 2023 hi September thla chhungin sem a ni dawn a, a ni tur tak erawh tihchian a la ni lo. Inbuatsaihna hrang hrang kalpui mek niin, a hmun tur pawh hriat theih thuai beisei a ni.

Category hrang hrang a awm leh dawn a, Mizo film tha tak tak zing atangin award dawn phu ber ber thlan chhuah a ni leh dawn. Mipui lam pawhin chanvo an nei leh dawn a, mipui vote a hlu leh viau dawn a ni. Kan film ngainat leh a changtu kan duh em emte khan chawimawina an dawn theih nan kan support ve an ngai dawn tihna a nih chu.

Mizo Film Award 2023 hi Entertainment Society of Mizoram (ESM) buatsaihin sem a ni dawn a, Tlau Entertainment leh Explore Mizoram te chu partner an ni ang.

MZP president Lalnunmawia Pautu-in Melissa Lalmuansangi hnenah 'Best Supporting Actress Award' a hlan.

Mipui ngaihven leh nghahhlelh em em, Tlau entertainment buatsaih Mizo Film Award 2021 chu December 18, 2021 zan khan Vanapa Hall-ah sem chhuah a ni a, Mizo film hrang hrang zingah 'Dengi I Love You' a chungnung hle!

Award category leh a dawng tute:

• Best Actor - Papuia Pachuau (Hnehtu)

• Best Acctress - Rosangpuii Ralte (Thingtlang Tlangval)

• Best Supporting Actor - K Vanlalawmpuia (Dengi I Love You)

• Best Supporting Actress - Melissa Lalmuansangi (Dengi I Love You)

• Best Director - Mapuia Chongthu (Nunna Thar)

• Best Cinematographer - Ngaihawma Fanai (Dengi I Love You)

• Best Screen Writer - Malsawma Lailung (Thingtlang Tlangval)

• Best Picture - Dengi I Love You!

• Best Short Film - Last Wish