MIDANG RINNAA I PUIH HIAN, NANGMAH PAWH I INPUI TEL A NI

  _Midangte Nen a Ṭha Zawk_

BY RICK WARREN 

— AUGUST 8, 2023 

“Rinna kan neih hmang hian inpuih tawn ka duh a. I rinna chuan min pui ang a, ka rinna chuan a pui bawk ang che.” Rom 1:12 (NCV)

Midang ṭhanna tura i puih theih nan Pathianin a pui che a, nangmah pawh i ṭhan phah a ni. I ringtupui dang nena inpawlna in neih leh in infuihtawn hian rinna kawngah i ṭhan chak phah bik a ni.

Bible in 1 Timothea 4:7 ah, “Pathian ngaihsak turin insawizawi rawh,” min ti. Pathian ngaihsak turin engtin nge i insawizawi ṭhin? I ṭhian pawlho te nena in inkawm hian, thlarau lamah kawppui i nei tihna a ni. Midang nena insawizawi chu a awlsam zawk tih i hrechhuak em? Chutiang bawkin, rinna kawnga ke i penna ah hian i kianga kal an awm ve a ngai a, midang rilru ang pawh i put ve angai a ni.

Tunlai hunah chuan khawvelin engmah a phut lutuk lo che a. I duh ang apiang i neih hi a ni zawk. I duhna chuan nitinin thil a ti danglam zawk a, i tuina, i hna, rawngbawlna emaw chu umin nitinin i khawsa a ni.

I inpekna tih loh chuan i nunah thil engmah nghawng a nei lo. I inpekna chu min hrilh la, kum 20 hnua i awm dan tur chu ka hrilh ang che, a chhan chu i inpekna ang zelin i nihna pawh a lang dawn a ni. I inpekna chuan i nun a siam tlat a ni! Engti tur maha i inpek loh chuan, midangin i nun an siam daih dawn thung a ni.

I inpekna chuan tun hunah hian nghawng nei lo mahse; i chatuan hun atan nghawng a nei a ni, a chhan chu i duhthlanna siam hian i chatuan nun a nghawng a ni. Chuvangin Bible in Rom 1:12 ah chuan, “I Rinna kan neih hmang hian inpuih tawn ka duh a. I rinna chuan min pui ang a, ka rinna chuan a pui bawk ang che.” (NCV).

Chuvang chuan Kohhran telna leh pawlho innghahna i neih a ngai a ni. Kristiante kan inpawlho hian, kawng dika kan kal theihnan kan infuihtawn a, kan intichak tawn a. Kan inpui tawn ṭhin a ni.

Ngaihtuah zui atan

* Thlarau lama kawppui neih chu engnge a an? Eng anga inhuamna nge neih ngai?

* Engvangin nge Pathianin inmamawhtawna min siam?

* Kum nga chhungin eng nge tih i tum? Taksa, rilru, thlarau lamah hma i sawn theihna turin eng anga inhuamna nge i neih ngai?

*[Lettu: Sangpuia]*