Mamit Vohbik Naupang Lalremruata thihnaa mawhphurhtu inpuang tawh!

Aizawl | August 26, 2023: Vohbik naupang Lalremruata (11) S/o Lalvulmawii Mamit High School veng, August 17, 2023 atanga a chin hriat lova bo, August 23, 2023 a thi a hmuh thattu ni a rinhlelh pahnih Mamit Police Station-a kawl zinga phakhat chu nimin August 25, 2023 tlai lam khan a inpuang.

Mibo Lalremruata ruang chhar anih atang hian Mamit Police te chuan pawikhawihtu zawnchhuah tumin theih tawp an chhuah a. Rinhlelh thil thuah mi 10 lai thu zawhfiah tura koh an ni. Heng mi 10 zinga pahnihte chu rinhlelh bik leh hnuchhui kawnga anmahni pui thei tur nia ringin an kawl a, heng mi pahnih zinga pakhat chuan a thah ani tih nimin tlai lam khan a inpuang ta ani. He tual thahna ah hian midang inhnamhnawih an awm lo tih Mamit Police te chuan an sawi. Tualthattu ni a inpuang hi nizan August ni 25 zan la la khan Central Jail a dahluh turin Aizawl panpui nghal ani. Aizawla phurhchhoh anih chhan zawhna an chhannaah pocso case a tello tih Mamit Police te chuan an sawi bawk..

Tualthah thubuaia rinhlelh zual an kawl pahnih zinga pakhat erawh inhnamhnawihna a nei lo ni a hriat a ni a, discharge turin Court ah hruai ani ang.

He bona thleng chungchangah hian Mamit P/S Case No. 29/2023 dt. 23.8.2023 U/s 23 ah ziahluh a ni a. Ngawrh taka chhuizui nghal a ni.

He tual thihna thleng chungchangah hian Mamit Police te chuan thu belhchian dawllo vawrhdarh lo turin mipui an ngen a. Tualthattu hnuchhuina kawngah khawtlang mipuite nena thawhhona tha tak awm avangin lawmthu an sawi bawk.

- Mami Chawngthu

Accredited Journalist.