_Midangte Nen a Ṭha zawk
By Rick Warren
— Aug 9, 2023
Midangte nena inremna ṭha ber chu kan tihsualte in pawmsak hi a ni. Engvangin nge mi in an rinawmna te pawh an hlan mai ang? Hlan mai tlak a nih vang a ni. Pathian chuan heng rilru, puthmang, thil tihsual leh hlauhna chungchanga i rinawm chuan hlawkna kawng li in i nei ang a ti.
*Rilru damna.* Bible in Jakoba 5:16 ah, “Tihdama in awm theih nan in sualte thupha chawi tawn ula, intawngtaisak tawn thin rawh u,” a ti.
Inngaihdam chungchang leh rilru damna chungchang hi thil inanglo tak mai a ni a. I nunah ngaihdamna i mamawh a nih chuan Pathian hnenah i inpuan a ngai a ni. Rilru damna chu midang hnena thu eng emaw i sawi aṭangin a thleng thei a ni.
*Bul ṭanna thar .* Thufingte 28:13 ah chuan, “Bawhchhiatna zeptute chu an hmuingil lo vang a, Zep lova inpuanga hawisantute chuan zahngaihna an hmu ang.”
I rawngbawlnaa i tih theih ṭangkai deuh chu inngaidam tawn tura midang i puih hi a ni. Mi tamtakin heti hian an sawi ṭhin a, “Pathianah i inpawm thei em? I inpawm chuan ngaihdam i ni a. Inpuanna i nei ṭhin em? I neih chuan ngaihdam i ni ang. Tichuan i hahdam ang.”
*Danglam tura Pathian thiltihtheihna.* “Lalpa mithmuhin inngaitlawm rawh u, tichuan a chawimawi ang che u.” (Jakoba 4:10).
Chu chu engtin nge a thawh? Bible chuan Pathianin chapona a dodal a, inngaitlawmte hnenah khawngaihna a pe thung. Pathian khawngaihna hi danglam tura thiltihtheihna a ni. Pathian khawngaihna i dawn chuan, i nuna danglam i duh em em te i thlentir thei ang. Chu chu inngaihtlawmna aṭangin a lo awm a, inngaihtlawmna chu rinawmna aṭangin a lo awm thung.
*Inpawlna thuk zawk.* Bible chuan, “Amaherawhchu amah chu engah a awm angin keini pawh enga awm kan nih chuan kan inpawl tlang a ni.” (1 Johana 1:7).
Kan chaklohna te, kan tlinlohna te leh kan hnufualnaah te inhawng viaua kan inhriat hian, mi in kan chungah ngaihtuahna an seng tlem deuh a. A kawkalh zawng chiah hi a dikna chu a ni! I nun a tlang poh leh miin an ngaina che a, i bula awm an chak a ni.
Mi tam takin heihi an hrechhuak a, “Ka nun hi a buai zova. Tihsual, chaklohna, chin dawklak ṭha lo leh fello tam tak ka nei a ni. Ka nuna thil ṭha lo zawng zawng te hi pawm thiam chu a har a ni.”
Pathianin i natna chu damna ah chantir a duh a. Chuvangin midang nunah hman che a duh a ni. I inpek hun a nghak mek che a ni.
Ngaihtuah zui atan
* Pathian chhungkua ah i thiltih sual chu pawm har zualin i hria em? Engvangin nge chu chu i ngaihtuah?
* Rilru lama damna i chan theihnan engvangin nge ngaihdamna chu i chan a pawimawh?
* “Enga awm” tih hi eng nge awmzia (1 Johana 1:7)?
*Pathianin a chhungkuaa telve turin a duh che*
Pathian chuan amah nena inlaichinna nei turin a siam che a – chu chu Isua i rin hnuah chauh i nei thei ang. Bible chuan Fapa Isua kaltlanga Pathian rinna chauhin vanram a luh theih a ti a. Nangma hlawhchhuah theih a ni lo tihna a nih chu. “Rinna avanga khawngaihnaa chhandam inni; nangmahni thawhchhuah a ni lo va, Pathian thilpek a ni; thiltih avang a ni lo ve, chutilochuan miin an chhuang dah ang e.” Ephesi :8-9.
I sualna te i puang duh aniha, i nunah Isua i thlang duh anih chuan, heti hian tawngtai ang che.
“Lalpa, thu min tiam angin, Isua ka ring a nih chuan, ka tihsual zawng zawngte min ngaidam dawn a, ka nun awmzia te ka zir ang a, engtikniah emaw chuan i chatuan in nuamah min lo pawm ve ngei dawn a ni.
“Ka sualnate ka puang a, ka Lalpa leh Chhandamtu atan Isua hi ka pawm e. Isu, i hnung zuia, i rawngbawl ka duh e. Ka nun tlawm tak hi ka hlan che a, i ang chhunga min pawma min chhandam ve turin ka dil a che. Amen”
Hetianga i tawngtai a nih chuan, Rick@PastorRick.com ah hian emai min lo thawn la. Isua nena zinkawng i zawhṭanna atana pawimawh te a thlawnin ka lo thawn ang che.
*[Lettu: Sangpuia]*
Post a Comment
He post chungchanga i ngaihdan lo sawi ve rawh: