Aizawl | August 22, 2023: Mizoram Govt. Lumpsum Aided Higher Secondary School Association (MIGLAHSSA) te chuan Adhoc Grant-in-Aid a hlan beiseiin August Ni 28 (Thawhtanni) ah lehkha zir lovin sawrkhar thu ngaichanga school kal an tum a. Sawrkhar atanga thu lawmawm an hmuh loh chuan school kharin sawrkhar thu ngaihchan chhunzawm an tum.
Lumpsum hnuaia sikula zirlaite hian Sept 15, 2023 khan Adhoc aided a duh phutin Aizawl-ah kawng an lo zawh tawh a ni.
Mizoram Govt. Lumpsum Aided Higher Secondary School Association (MIGLAHSSA) chuan thuchhuah siamin, a hnuai ami ang hian an tarlang.
Kum 2008-a Lumpsum Aided-a dah Higher Secondary School 9 (pakua), Mizoram Govt. Lumpsum Aided Higher Secondary School Association (MIGLAHSSA) chuan kum 2018 MLA inthlan dawna tuna kan Chief Minister zahawm tak leh Cabinet Minister thenkhat ten kum rei tak khawtlangin an lo hahpui tawh kan school-te Adhoc Grant-in-Aid-a hlang kai tura min lo tiam tawh, vawiin thlenga tihhlawhtlina la awm lo hi lungchhiatthlak kan ti.
Adhoc Grant-in-Aid-a min hlan ngei beiseiin August Ni 28 (Thawhtanni) ah lehkha zir lovin sawrkhar thu ngaichanga school kal tur a ni a. Sawrkhar atanga thu lawmawm kan hmu lo a nih chuan school kharin sawrkhar thu ngaihchan chhunzawm a ni ang.
MIGLAHSSA hnuaiah hian Higher Secondary School pakua (9) kan awm:
Thingsulthliah HSS
Farkawn HSS
Zobawk HSS
Zawlnuam HSS
West Phailenh HSS
E.Lungdar HSS
NE Khawdungsei HSS
Phullen HSS
Tuisualral HSS
Kum 20 chhung zet VC, khawtlang mipui, zirlai nu leh pa leh thawktuten an lo hahpui tawh zirnain te hian beiseina sang tak nen sawrkhar kan thlir a. Zirna ngaipawimawhtu kan sawrkhar hian khawtlang phurrit kan zirna inte hi rei lo teah Adhoc-Grant-in-Aid hmanga min phurh chhawk ang tih kan beisei tlat a ni.
Scan Here to Donate!
Share it with your friends!
[Subscribe telegram channel for updates- https://t.me/exploremizoramchannel ]
[For Ads - Contact +919402125273 ]
EXPLORE MIZORAM
email: admin@exploremizoram.com
Telegram channel:
Twitter: https://twitter.com/exploremizoram
Instagram: https://www.instagram.com/explore.mizoram
Youtube Channel: https://www.youtube.com/channel/UCyNrX06aSZ26HkIB25eo1YQ
Post a Comment
He post chungchanga i ngaihdan lo sawi ve rawh: