Lehkha zir lovin Lumpsum HSS te sikul an kal; Sawrkar atanga thu lawmawm a awm loh chuan sikul khar an tum!

Aizawl | August 28, 2023: Mizoram Govt. Lumpsum Aided Higher Secondary School Association (MIGLAHSSA) te chuan August 22-a thu an lo chhuah tawh angin, Adhoc Grant-in-Aid a hlan beiseiin vawiin August Ni 28 (Thawhtanni)  khan lehkha zir lovin school an kal. Sawrkar atanga thu lawmawm an hmuh loh chuan school kharin sawrkar thu ngaihchan chhunzawm an tum.

Lumpsum hnuaia sikula zirlaite hian Sept 15, 2023 khan Adhoc aided a duh phutin Aizawl-ah kawng an lo zawh tawh a ni.

Kum 2008-a Lumpsum Aided-a dah Higher Secondary School 9 (pakua), Mizoram Govt. Lumpsum Aided Higher Secondary School Association (MIGLAHSSA) chuan kum 2018  MLA inthlan dawna Chief Minister leh Cabinet Minister thenkhat ten  kum rei tak khawtlangin an lo hahpui tawh an school-te Adhoc Grant-in-Aid-a hlang kai  tura an lo tiam tawh, vawiin thlenga tihhlawhtlina la awm lo chu  lungchhiatthlak an ti. 

An tum dan chuan, Adhoc Grant-in-Aid-a hlan ngei beiseiin vawiin August Ni 28 (Thawhtanni) hian lehkha zir lovin sawrkar thu ngaichanga school kal an ti a. Sawrkhar atanga thu lawmawm an hmu lo a nih chuan school kharin sawrkar thu ngaihchan chhunzawm an tum a ni.

MIGLAHSSA hnuaiah hian Higher Secondary School pakua; Thingsulthliah HSS, Farkawn HSS, Zobawk HSS, Zawlnuam HSS, West Phailenh HSS, E.Lungdar HSS, NE Khawdungsei HSS, Phullen HSS leh Tuisualral HSS te an awm a ni.

Kum 20 chhung zet VC, khawtlang mipui, zirlai nu leh pa leh thawktuten an lo hahpui  tawh zirnain te hian beiseina sang tak nen sawrkhar an thlir a. Zirna ngaipawimawhtu sawrkar hian khawtlang phurrit zirna inte hi rei lo teah Adhoc-Grant-in-Aid hmanga phurh chhawk ang tih chu an beisei thu thuchhuah siamin an lo tarlang tawh a ni.

Scan Here to Donate!

Share it with your friends!

 

[Subscribe telegram channel for updates- https://t.me/exploremizoramchannel ]

(Feedback at: admin@exploremizoram.com )

[For Ads - Contact +919402125273 ]

EXPLORE MIZORAM

https://www.exploremizoram.com

email: admin@exploremizoram.com

Telegram channel:

https://t.me/exploremizoramchannel

FB page: https://www.facebook.com/exploremizoramportal

FB Group: https://www.facebook.com/groups/exploremizoram

Twitter: https://twitter.com/exploremizoram

Instagram: https://www.instagram.com/explore.mizoram

Youtube Channel: https://www.youtube.com/channel/UCyNrX06aSZ26HkIB25eo1YQ