Kolasib | August 1, 2023: African Swine Fever (ASF) leng mek chu Kolasib District-ah ziaawm lam a pan ni a hriat a ni a, amaherawhchu hmun thenkhatah he hri hi a la reh fello ni a hriat a ni. He hri hlauhawm tak laka mipuite kan him tlan zel theih nan a hnuaia mi ang hian District Magistrate, Kolasib chuan thupek a chhuah.
1. Ram dang leh State dang atangin vawk leh vawksa rep Kolasib District chhungah lakluh khap tlat a ni.
2. ASF len lohna State-a APEDA in a pawmpui Farm atangin vawksa atanga siam (Frozen Pork) lak phal a ni. Amaherawhchu, SOP zawm chungin Director, AH & Vety. Department phalna lak hmasak tur a ni.
3. ASF infected area a puanna khua atangin vawk, vawksa atanga siam reng reng Kolasib District chhungah lakluh phal a ni lo.
4. Vawk damlo reng reng talh leh hralh khap tlat a ni.
5. Vawk thi reng reng chinai nen thuk taka phum tur a ni.
6. Vawk thí an awmin, AH & Vety a thawktute hnenah report tur a ni.
He thupek hian chhuah anih atanga ni 60 chhung a huam anga, dan bawhchhia an awm chuan Section 188 IPC hmangin hrem an ni ang.
Scan Here to Donate!
Share it with your friends!
[Subscribe telegram channel for updates- https://t.me/exploremizoramchannel ]
[For Ads - Contact +919402125273 ]
EXPLORE MIZORAM
email: admin@exploremizoram.com
Telegram channel:
Twitter: https://twitter.com/exploremizoram
Instagram: https://www.instagram.com/explore.mizoram
Youtube Channel: https://www.youtube.com/channel/UCyNrX06aSZ26HkIB25eo1YQ
Post a Comment
He post chungchanga i ngaihdan lo sawi ve rawh: