Kolasib Bawrhsap John LT Sanga MCS leh naupangte marble perh laiin hmuhnawm tih a hlawh

Aizawl | August 26, 2023: Kolasib Bawrhsap ni mek John LT Sanga MCS leh naupangte marble perh lai hian hmuhnawm tih a hlawh hle.

Mi nawlpui ban phak sawrkar tia sawi ṭhin hlawhtlinna atan hian mi nawlpui ban leh biak phak sawrkar hnathawk an pawimawh.

Kolasib Bawrhsap John LT Sanga MCS leh sikul naupang te'n marble an perh lai hi a hmuhnawm a, naupang biak phak sawrkar officer hi heng naupangte hian an dam chhungin an hre reng tawhin a rinawm.

He thlalak hi mi tam takin an lawm a, an hlimpui a, faktu an tam a, social media-ah mi ṭhenkhatin an post a, Kolasib Bawrhsap ngainat phah an awm nual niin thu dawn a ni.

Mipui ban phak sawrkar din tur hian mipui ban phak officer an pawimawh a, anni hi a hlawhtlinna an ni.

Mipui chunga leng emaw inti leh mipuiin an dawr ngam loh sawrkar thawktu chuan mipui an hnawk ṭiau ṭhin.