Mara Idol 2021 Jessica Hlychho kan belchiang.
Jessi tia koh thin Mara Idol 2021 Jessica Ngôdy Hlychho hi HC. Lalrosanga leh N. Zaithanmawii te fanu niin, July 25, 2005 khan a lo piang a. An khua hi Vahia niin, Siaha New colony II-ah chengin a khawsa a ni.
Jessica Hlychho te hi CCI (M) kohrana lawi a nni.
Jessica Hlychho hi 5'ft a sang niin, Unau pa 4 an ni a, U hmeichhe pa 3 neiin, ani hi a naupang ber a ni.
Jessica Hlychho'n Explore Mizoram zawhna a chhannate:
📌 Zirna lam: Tunah hian Class 12 ka zir mek
📌 Hobby- Singing, Dancing, Song Writer, Makeup
📌 Zai lam i tui tan dan:
~ Kum 8 kanih laiin KHP Day-ah zai ve ka chak em avangin chairman hnenah mahni hming ka va theh lut ve tawp a, Ka zai lai khan rin ai daihin a lo nuam phian. A hnuah Ka zai loh laiin video kha ka en a, tlem chuan ka zak ve deuh. Mahse, a hnuah kohhran program a awm apiang hian zai turin min lo sawm/ruat ve ziah a ka zai ve thin a ni. 2013 khan Ariana Grande - "No tears left to cry" tih MV kahmuh atang pheichuan zaithiam ve a amah Ariana anga aw nal deuh neikha ka chak ta em em a, Inah hian ka zai reng thina Ka chhungte pawn zai lampang min tuipui em avang hian ka phur thin hle a ni.
📌 Music video tihchhuah i nei tawh em?
~ Music video single chuan pahnih chiah ka la tichhuak rih.
📌 Rimawi hmanrua i tum thiamte:
- Guitar
📌 I duhzawng leh ngainat zawngte:
Rawng - White, Black and Green.
Chawhmeh - Vawksa leh Alu.
Incheina - Buggy clothes
Rimawi – Cool, Reggea and Gothic.
Mizo Ziaktu zingah - Rca- Chhangte
Hla- Vachorânô, Die for you
Hla phuahtu - K Hminga
Mize ngainat zawng: Rilru thianghlim, chapo lo
📌 Mize ngai nat loh zawng:
~ Mi chapo, Dawt sawi hmang, mahni thusawi a ding ngam lo, pawn lam fel hmel deuh rilru chhia pu tho si ho hi.
📌 Relationship status - Single
📌 Kawppui atan duhzawng:
~ Mi puitling, ka dik lohnaa min zilh ngamtu, aia upa zah thiam deuh ni se, min care se ka duh.
📌 Aim in Life:
~ Beautician
📌 Mara Idol-ah hian tel i tum thin hrim hrim em?
~ Mara Idol-ah hian tel ka tum ve thin a, Kum 2017 khan Greenlake Junior Idol an buatsaihah Pathian khawngaihna zarah winner ka ni ve hlauh a. Kan khua Vahia MTP hruaitute'n Mara Idol a tel ve turin min ti a, mahse, Ka kumin ala tlin loh avangin ka tel thei rih lova 2021 khan 16 chiah ka la ni a. Mahse, keimah hrim hrim kha tel ka chak lutuk a. Anmahni lam khan theih tawp min chhuahpui a ka tel ve thei ta a ni.
📌 Mara Idol 2021 atana thlan i nih hi i ring reng em?
~ Mara Idol ka nih tur hi a tirah chuan ka ringpha ngailo a chhanchu kathian te kha anlo thiam hlawm si a, kei kha chu katlak hunah ka awmdan tur ringawt ka in zir lawk thin, Mahse, Pathian khawngaihna zarah Top 10 kalo tlin chho khan keimah ah tlem chuan Rinna kaneih ve deuh Mahse winner tur em em kha chuan ka nei hran lo, Final Competition kan zo a, Result an puan zanah ka tawngtai tawp a "Lalpa i thu vek ni rawh se" ka tia chuta tang chuan keimahah khan Idol ka nih tur hi ka inring nghet tawp tawh.
📌 Mara Idol 2021 i ni tih i hriata i rilru a awm?
~ Lalpa that zia leh Ka chhungte an lawm dan tur zia ringawt ka ngaihtuah.😁
📌 Mara Idol 2021 -in i nun a nghawng dan:
- Mara Idol hian puitlinna nun a keng telin ka hre tlat, a hma a ka nun dan thin ang kha ka ni tawh lo. Aia upa leh naupang te biak thiam dan min zirtir a, ruihtheithil lakah ka inveng a. Thil sual lakah min dah hrang.
Khawtlang leh kohhran thilah pawh, mi sawi kai thei ka ni tih hriain theih tawpin ka nun ka hmang fimkhur a, hnatlannaah pawh nise, a thawk lo bik nih ka duh ngai lo. Mara Idol meuh nih chuan mi en bik kan lo ni a, nun uluk a ngai a, inven reng a ngai bawk nen, a chang chuan hrehawm ka lek lek thin. Mahse, ka lawm a, hlimna tam tak min thlentu a ni.
📌 Mara Idol an buatsaih thin hi:
- Chhunzawm zel se tha ka ti.
Zawhna dang:
1. A tel lova i awm theih loh: Chaw, Phone
2. I nun kaihruaitu: Pathian thu leh ka chhungte
3. Hringnuna i hlauh ber: Tihsual
4. I tih ngai miah loh tur: Chhungte do dal
5. Mizo Tualzal nuna ṭha i tih: Tlawmngaihna
6. Quote i duh ber: "LOVE is a better master than duty" - Albert Einstein
7. Mizote tan 'Fa neih tlem' inzirtir hi a ṭulin i hria em?
- Tul ka ti hran lo.
8. Khawtlang, Kohhran leh nangmah:
~ Zirlai ka la ni a, duh ang diak diakin ka la active thei vak lo.
9. Social Media leh Nangmah:
~ Instagram leh WhatsApp hi ka active deuh ber.
11. Mizo ṭhalaite hian ngaihsan tur dik an ngaisangin i hria em?
- 88% hian ngaihsan tur dik an hria.
12. Ngaihsan tur dik nia i hriat:
~ Tlawmngaihna, Huaisenna, rinawmna
13. Hlawhtlinna tura pawimawh:
~ Hlawhtling tur chuan in sumtheina leh Tih hram hram na hi apawimawh khawp mai,
14. I nuna hloh i hlauh ber: Ka hmangaih te
15. Zofate inpumkhatna hi a tak a thlen theih i ring em? A lo thlen ngei chu ka beisei
16. MZP in ZOFEST a buatsaih ṭhin hian Zofate inunauna kawngah a thawhhlawkin i hria em?
~ A hlawk ve thoin ka hria.
17. Hnam dang nupui pasal neih hi -
~ An a/mawl vang chu ka ti miah lo. Mahse, seilenna khua/ ram leh hnam hmangaih lo an ang ka ti.
EXPLOREMIZORAM.COM i hmuh dan:
~ Explore Mizoram tih ringawt pawh hi tha ka ti, Mi in promote thiamin in tiphur thiam khawp mai. Mizoram tan tiin theitawp in chhuah tih a hriat hle a ni.
Scan Here to Donate!
Share it with your friends!
[Subscribe telegram channel for updates- https://t.me/exploremizoramchannel ]
[For Ads - Contact +919402125273 ]
EXPLORE MIZORAM
email: admin@exploremizoram.com
Telegram channel:
Twitter: https://twitter.com/exploremizoram
Instagram: https://www.instagram.com/explore.mizoram
Youtube Channel: https://www.youtube.com/channel/UCyNrX06aSZ26HkIB25eo1YQ
.
Post a Comment
He post chungchanga i ngaihdan lo sawi ve rawh: