HRINGNUNA ZIRLAI ROPUI CHUAN HUN A DUH THIN

 _Mi dangte nen a ṭha zawk_

By Rick Warren 

— Aug 1, 2023

“Mahni ta ta mai en lovin, mi dang ta pawh en theuh rawh se.” Philippi 2:4

Mahni inphatna chuan mi dang tan thil tha tak a thlen thin. Inlaichinna tha a siam bawk. Mahni inphat tih chu eng nge a awmzia? Chumi awmzia chu mahni aia mi dang ngaihpawihna hi a ni.

Mahni inphatna ep chiah chu mahni hmasialna a ni a – inhnialna leh buaina thlen tur ber a ni. Bible chuan, “In zinga indona leh inhnialnate hi khawi atanga lo chhuak nge ni? In taksa pengahte indona siam thintu, in duhzawng atangte chuan lo chhuak a ni lo vem ni? In chak a, in nei si lo va,” a ti. Jakoba 4:1-2.

Mahni indahpawimawhna hian inlaichinna a tichhe thin.

Zankhat chu ka nupui, Kay-i aiin second thumin khum ka pan hmasa a. A lo mut hnu chuan, kawngka zawng zawng chu ka kalh leh kalh loh min zawt a. Mahse second thum lek chhung chuan, muhil derin “aih” ka ti a. Tichuan, a tho va, kawngka zawng zawng chu a kalh vek a. Ka thilth sawifiahna chu hei hi a ni: thianghlim leh mawlmang siin - mahni hma ka sial a ni.

Kan harsatna ber chu – mahni hmasialna hi mihringa bet tlat a ni. Kan natna te, thil reng reng hi kan hlawkna tur vek ngaihtuahin kan thlir a kan ngaihtuah a ni. Kan culture pawh hian, “I tana tha ber tur chu ti rawh,” min ti a. Mahse kan Bible chuan, “Mahni ta ta mai en lovin, mi dang ta pawh en theuh rawh se,” min ti. Philippi 2:4    

Mahni ta mai ni lo va, mi dang ta pawh i en hian eng thil nge lo thleng? Chu chuan inlaichinna kawngah nangmah mai bakah mi dang pawhin hlawkna an nei dawn a ni. Mi dang pawhin hma an sawn phah dawn, i awm dan i thlak avangin, mi dang pawh an insiam rem ve zel a ni.

Hetiang thil hi vawi tam ka hmu tawh a: Mi dang mawi lo deuha i biak hian, i tih loh dan ang deuhin, tha takin an lo chhang fo thin a ni. 

Hringnuna zir tur ropui ber chu mahni inphat hi a ni – mahse nikhat thil thuah a thleng nghal lo. I damchhung daih tur thil a ni.

Hei hi chanchin lawmawm chu a ni, Pathianin mahni i inphat theih nan nangmah chauhin a dah lo che. Rom 8:26 chuan, “Thlarau chuan kan chaklohnate a pui thin,” a ti.

Mahni i inphat zel theih nan tan la zel la. Mahni hmasialna i kalsan theih nan Pathian Thlarau chuan a awmpui che a ni. Chutianga i tih chuan, kawng tinrengah inlaichinna thlengin danglamna i hmu ang.

Ngaihtuah zui atan

* I nuna inlaichinna pawimawh ngaihtuah teh. Engti kawng zawngin nge mahni hmasial takin i lo chet thin?

* I phu miah lohnaah mi dangin mahni hmasial miah lo vin chet an la thin em? Engtin nge nagmahah nghawng a neih?

* Mahni inphat chunga i chet theih nan Thlarau Thianghlim tanpuina i mahmawhna leh mi dang pawh mahni hmasial lo va i chunga an chet theihna turin engtin nge  i tawngtai ang?

*[Lettu: Sangpuia]*