Aizawl | August 20, 2023: E Sports lama Mizoram tana mellung pawimawh phunin, FS e-Sports (Rip Mizo Gaming) in BGIS Round 3 an lut.
Battleground Mobile India Series (BGIS) The Grind khelh zawh takah Northeast India atanga team thleng sang ber leh a awm chhun ni mek Rip Mizo Gaming te chuan an organization zawm thar FS e-Sports tan khelin India rama team thazual 64 zingah a thiam zual 14-na an ni.
India rama mobile games khelh hlawh tak leh thalaite a tla na tak Battleground Mobile India (BGMI) ina an buatsaih Battleground Mobile India Series The Grind ah hian FS e-Sports te chu a thiam zual 32 zingah awmin hei vang hian BGIS chu round 3 atang an khel thei dawn a ni.
BGIS The Grind finalists team 64 te hi BGIS Official tournament ah hian invited team an ni nghal dawn a. A sang zual 32 te hian round 3 atanga khel tan in a bak team 32 dang hian round 2 atang in khel thûng dâwn a ni.
Battleground Mobile India Series hi tun thla tahrîk ni 31 atanga khelh tan tur niin he inelna a lawmman hi India ram mai bakah khawvel ang huap pawh a pawisa tam na niin he tournament-a lawmman an semchhuah tur hi cheng vaibelchhe hnih (2crore) lai a ni hem mai.
BGIS THE GRIND CHHAWR TANGKAI TU FS E-SPORTS:
India rama mobile games hmanga tournament lian leh sum tam na ber pawl BGIS Official tournament ah hian India rama hmarchhak kil khawr a awm Mizoram a BGMI Gamer te khelh na FS e-Sports chuan round sang zawk round 3 atangin bul an tan thei dâwn a ni.
BGIS THE GRIND ah hian India rama team lian leh tha tak tak te tel in BGIS Official tournament a round sang zawk atanga bul tan turin theihtawp team tinin an chhuah a, chung zîngah chuan Mizo tlangval te khelh mek FS e-Sports chu a thiam zual 14-ah in hlang kai in harsa lo takin round sang zawk atang bul an tan thei dawn a ni.
BGIS Official Tournament 2 Crores prizepool a round sang zawk round 3 atanga khel tan tur FS e-Sports team ah hian Mizo tlangval panga an awm mek a ni.
Mizo tlangval pangate hi Lalbiakzuala.(FsFlickYT) - Saitual, Lalkhawngaihsanga (FsNirvana) - Lunglei Chanmari, Ephraim Lalbiakhlua (FsChaser) - Ramthar Veng, Joseph lalchhuanawma (Fs Lord) - Zemabawk North, leh Kenneth Khobung (FsKenny) - Zarkawt te an ni.
Scan Here to Donate!
Share it with your friends!
[Subscribe telegram channel for updates- https://t.me/exploremizoramchannel ]
[For Ads - Contact +919402125273 ]
EXPLORE MIZORAM
email: admin@exploremizoram.com
Telegram channel:
Twitter: https://twitter.com/exploremizoram
Instagram: https://www.instagram.com/explore.mizoram
Youtube Channel: https://www.youtube.com/channel/UCyNrX06aSZ26HkIB25eo1YQ
Post a Comment
He post chungchanga i ngaihdan lo sawi ve rawh: