Aizawl | August 12, 2023: Trained Nurses Association of India (TNAI) hotute chuan Chief Minister Pu Zoramthanga chu vawiin khan hmuin Mizoram sorkarin Directorate of Nursing din phalna a pek avangin lawmthu an hrilh.
DD Mizoram in tarlan danin, TNAI President Prof. Dr. Roy K. George leh General Secretary Evelyn P. Kannan te chuan Chief Minister hi hmuin TNAI Mizoram Branch ten Office leh hmunhma an neih theih nan Aizawlah ram an lei sak thu an hrilh a, an hmalak zel dan tur ruahmannate pawh an hrilh bawk a ni.
Chief Minister Pu Zoramthanga chuan Nurse te chu an tangkai thu sawiin, hriselna lama hmasawn zel theih nana hmalakna pawimawh tak pakhat chu Directorate of Nursing neih a nih thu sawiin, ramdanga hna tha tak tak thawh theihna remchang leh thiamna hlu tak chu Nursing hi a nih bawk avangin sorkar chuan Nursing lam tihchangtlun deuh deuh a tum tih a lo hrilh ve bawk a ni.
Post a Comment
He post chungchanga i ngaihdan lo sawi ve rawh: