CM leh Governor ten rel kawng leidawha thi chhungte tawrhpui;

Aizawl | August 23, 2023: Chief Minister Pu Zoramthanga chuan Sairang rel kawng Lei dawh lai chima nunna chan ta chhungte chu thinlung taka a tuarpui thu a sawi a. Chhanchhuah hna thawk tura kalkhawmte chungah lawmthu a sawi bawk a ni.

Governor Dr. Hari Babu Kambhampati-a pawhin Kurung lui chunga relkawng siam meka Lei dawh chim avanga hnathawktu zinga nunna hlu tak chan an awm chu pawi a tih thu leh chhiatna thleng chuan a thâwn tak zet thu a sawi a. Vanduaina tawkten an kalsan tak an chhungte a tuarpui thu a sawi bawk.

Lok Sabha MP C. Lalrosanga pawhin lei dawh lai chimna hmun hi a tlawh a. Transport Minister Pu TJ Lalnuntluanga, Pu K. Laldawngliana MLA, Home Commissioner Pu Lalengmawia leh Chief Secy. Dr. Renu Sharma-i bakah civil leh police hotute kawmin chhanchhuah hna thawh kawnga hmalak dan turte an sawiho a ni.

MP chuan vanduaina thleng avanga rel kawng siam hna thawh zawh hun a khawtlai deuh dawn ta chu pawi a tih thu a sawi bawk.

- AIR