Aizawl, the 2nd August 2023: Manipur buaina vanga Mizoram atanga Central Agriculture University, Imphal-a zirlaite'n hun rei tak an zirlai chhunzawm zel dan turah harsatna an tawh hnu-ah zanin khan an harsatnate chinfel a ni ta a, Selesih-ah an exam thei dawn a ni.
MSU general headquarters chuan, vawiin tlai khan Central Agriculture University (CAU), Imphal Vice Chancellor Dr Anupam Mishra hi lo hmuin, CAU Imphala Mizo zirlai awmte harsatna tawh leh an zirna chhumzawm dan turte an lo sawipui a, MSu hian July 31 khan Mizoram Governor-ah hemi chungchanga hmalakpui tur hian an lo ngen tawh bawk a ni.
Zanin vek khan Governor Dr Hari Babu Kambhampati ruahmanna angin Central Agriculture University, Imphal Vice Chancellor Dr Anupam Mishra chuan Raj Bhavan-ah Governor hi a hmu a. He hunah hian CAU, Imphal a Mizoram atanga lehkha zu zir mek, zirlai te harsatna tawh chu chinfel a ni tih Dr Anupam Mishra chuan Governor hi a hrilh a ni.
Zirlaite harsatna sutkian a nih theihna tur hian July 31, 2023 khan MSU President Samuel Zoramthanpuia leh a thawhpuite chuan CAU, Imphal a Mizoram zirlai rualte tan hian Governor Dr Hari Babu Kambhampati hnenah hian ngenna an siam tawh a. He thil Governor chuan a bawhzui nghal a ni.
Central Agriculture University, Imphal Vice Chancellor Dr Anupam Mishra chuan CAU, Imphal in ruahmanna an siam dan te a tarlan ang chuan Mizoram atanga CAU, Imphal a zirlai te hi Imphalah an chhuk ngai lovin College of Veterinary Science, Selesih ah exam an pe thei dawn a. Admission atana documents te pawh Aizawlah an thehluh theih dawn bakah Class pawh online in an kal thei dawn bawk a ni.
Tarlan tawh anginm MSU chuan July 31, 2023 chawhma dar 11 khan Central Agricultural University (CAU) Imphal zirlaite chu tunlai Manipur buaina avangin State dang institution-a transfer an nih theihnan Governor Hari Babu Kambhampati hnenah an thlenpui a. He hunah hian zirlaite harsatna te thlen a nih bakah zirlaite tan tunlai Manipur buaina avangin Imphal-a zir chhunzawm chu a him loh thu leh an zirna a bahlah loh nan zirlai 29 te chu State dang institution-a transfer tura hma lakpui turin Governor chu a thlen a ni. Tin, Manipur a Mizo zirlai te chu an him zawk nan online emaw exam centre sawna exam an hmachhawn theih nan ngenna an thlen bawk.
Scan Here to Donate!
Share it with your friends!
[Subscribe telegram channel for updates- https://t.me/exploremizoramchannel ]
[For Ads - Contact +919402125273 ]
EXPLORE MIZORAM
email: admin@exploremizoram.com
Telegram channel:
Twitter: https://twitter.com/exploremizoram
Instagram: https://www.instagram.com/explore.mizoram
Youtube Channel: https://www.youtube.com/channel/UCyNrX06aSZ26HkIB25eo1YQ
Post a Comment
He post chungchanga i ngaihdan lo sawi ve rawh: