Aizawl | July 19, 2023: ZPM Leader Lalduhoma'n sorkar inrelbawlna hrana an awm chu Meitei leh Zofate harsatna sutkianna tha ber nia an hriat thu a sawi.
He thu hi vawiin-a ZPM Campaign Committee-in ZPM Leader Pu Lalduhoma hova Aizawl Press Club-ah chanchinbumite an kawmna-ah a sawi a. Manipur buaina chungchangah an dinhmun thlirin Meitei te leh tlangmite chu sorkar inrelbawlna hranga an awm chu an harsatna sutkianna tha ber nia ZPM-in an hriat thu a sawi a, Manipur chu hmasang atana Meitei ta bik a nih loh thu leh tlangmite ta ve tho a nih thu a sawi bawk.
Lalduhoma chuan, MLA inthlan lo awm tur atan, 'Assembly bial 40 ah 39 chuh tur candidate te hming an puang tawh a, Tuichawng bialah erawh candidate an la dah ve lova, hemi chungchang hi Party in a la ngaihtuah zui dawn' niin a sawi bawk.
Zoram Peoples Movement ZPM Leader Pu Lalduhoma'n inthlanpui lo awm tur atana an candidate tur an puan tak te chu an rin tawk thu leh hneh taka tlin ngei an inbeisei tih a sawi.
ZPM chuan sum hmachhuan loa inthlanpui hmachhawn an tum thu a sawi a, tunlai inthlan enin sum thiltihtheihna a tlahniam hle tih a sawi bawk a, tunhnaia inthlan hrang hrang - Serchhipa MLA bye-election, Lunglei Municipal Council inthlan leh Zemabawk Local Council inthlan te enin sum thiltihtheihna a thi ta ni a an hriat thu leh lawmawm a tih thu a sawi a ni.
Pu Lalduhoma chuan an party miten thianghlim takin party sum tur te tuakin Mizoram hmun hrang hrangah inhlawhfa te an awm thu a sawi a, party dangte chuan candidate te atangin sum an beisei thin a, an ni chuan candidate te sum an pai zawk thu a sawi a ni.
ZPM Campaign Committee Co-Chairman Pu K. Sapdanga pawhin Uniform Civil Code chungchang sawiin ZPM chuan Law Commission-ah ziakin UCC an dodal thu ziakin chiang takin an thawn tawh tih a sawi a. UCC chu hmarchhak mai ni lo, India ram pumpui tan pawha thil tha a nih loh thu leh Mizo Kristiante chu tihhlawhtlin a nih chuan a tuar nasa ber tur an nih thu a sawi bawk a ni.
- AIR
Scan Here to Donate!
Share it with your friends!
[Subscribe telegram channel for updates- https://t.me/exploremizoramchannel ]
[For Ads - Contact +919402125273 ]
EXPLORE MIZORAM
email: admin@exploremizoram.com
Telegram channel:
Twitter: https://twitter.com/exploremizoram
Instagram: https://www.instagram.com/explore.mizoram
Post a Comment
He post chungchanga i ngaihdan lo sawi ve rawh: